ராம் சரண் நடிக்கும் பெடி படத்தின் முக்கிய அறிவிப்பு வெளியாகி உள்ளது.
தெலுங்கு சினிமாவில் உச்ச நட்சத்திரமாக வலம் வருபவர் நடிகர் ராம் சரண். இவருடைய நடிப்பில் வெளியான மகதீரா, ரங்கஸ்தலம், ஆர் ஆர் ஆர் போன்ற படங்கள் தமிழ் ரசிகர்களையும் வெகுவாக கவர்ந்தது. இருப்பினும் கடந்த ஜனவரி மாதம் இவரது நடிப்பில் வெளியான கேம் சேஞ்சர் திரைப்படம் ரசிகர்கள் மத்தியில் எதிர்பார்த்த வெற்றியை பெறவில்லை. இதைத்தொடர்ந்து புச்சி பாபு சனா இயக்கத்தில் தன்னுடைய 16 வது திரைப்படத்தில் நடித்து வருகிறார் ராம் சரண். இந்த படத்திற்கு பெடி என்று தலைப்பு வைக்கப்பட்டிருக்கிறது. இப்படத்தில் ராம் சரணுக்கு ஜோடியாக ஜான்வி கபூர் நடிக்கிறார். இந்தப் படத்தை மைத்ரி மூவி மேக்கர்ஸ் நிறுவனம் தயாரிக்க ஏ.ஆர். ரகுமான் இதற்கு இசையமைக்கிறார். இந்த படத்தின் படப்பிடிப்புகள் தொடங்கி விறுவிறுப்பாக நடைபெற்று வருகிறது.
Ready to roar 💥
The Maestro, the Blockbuster Director & our GLOBAL STAR #PEDDI @AlwaysRamCharan ❤️🔥❤️🔥#PeddiFirstShot – Release Date Glimpse out tomorrow at 11.45 AM ✨@NimmaShivanna #JanhviKapoor @BuchiBabuSana @arrahman @RathnaveluDop @artkolla @NavinNooli @IamJagguBhai… pic.twitter.com/zjDI9f2doT— Vriddhi Cinemas (@vriddhicinemas) April 5, 2025
அதைத் தொடர்ந்து இந்த படத்தின் கிளிம்ப்ஸ் வீடியோ நாளை (ஏப்ரல் 6) வெளியாகும் என அறிவிக்கப்பட்டது. அதன்படி நாளை காலை 11:45 மணி அளவில் இந்த படத்தின் கிளிம்ப்ஸ் வீடியோ வெளியாகும் எனவும் அத்துடன் ரிலீஸ் தேதியும் அறிவிக்கப்படும் எனவும் படக்குழு வீடியோ ஒன்றை வெளியிட்டு தெரிவித்துள்ளது.