சசிகுமாரின் புதிய படத்தின் ரிலீஸ் தொடர்பான அறிவிப்பு வெளியாகி உள்ளது.
தமிழ் சினிமாவில் வலம் வரும் முன்னணி நடிகர்களில் ஒருவரான சசிகுமார், டூரிஸ்ட் ஃபேமிலி எனும் திரைப்படத்தில் நடித்திருந்தார். இந்த படம் கடந்த மே 1 அன்று உலகம் முழுவதும் வெளியாகி ரசிகர்கள் மத்தியில் மிகப்பெரிய வரவேற்பை பெற்று வருகிறது. இதற்கிடையில் மை லார்ட், ஃப்ரீடம் ஆகிய படங்களை கைவசம் வைத்துள்ளார். இது தவிர மீண்டும் இயக்குனராகவும் என்ட்ரி கொடுக்க உள்ளார். இதற்கிடையில் சசிகுமார் அதேசமயம் இவர், எவிடென்ஸ் எனும் திரைப்படத்திலும் நடித்துள்ளார். இந்த படத்தில் சசிகுமார் உடன் இணைந்து நவீன் சந்திரா, யோகி பாபு, கஸ்தூரிராஜா மற்றும் பலர் நடித்துள்ளனர்.
இந்த படத்தை காவல்துறை உங்கள் நண்பன் படத்தை இயக்கிய ஆர்.டி.எம் இயக்குகிறார். ஃபைவ் ஸ்டார் கிரியேஷன்ஸ் நிறுவனம் இந்த படத்தை தயாரிக்கிறது. ரான் ஈதன் யோகன் இந்த படத்திற்கு இசையமைக்க விஷ்ணு ஸ்ரீ இதன் ஒளிப்பதிவு பணிகளை கவனிக்கிறார். ஏற்கனவே இந்த படத்தின் படப்பிடிப்புகள் முழுவதும் நிறைவடைந்த நிலையில் இந்த படம் அப்படியே கிடப்பில் போடப்பட்டிருந்தது. இந்நிலையில் படக்குழு புதிய போஸ்டர் ஒன்றை வெளியிட்டு இந்த படம் விரைவில் திரைக்கு வரும் என அறிவித்துள்ளது. எனவே இன்னும் சில நாட்களில் படத்தின் ரிலீஸ் தேதியை படக்குழு அறிவிக்கும் என எதிர்பார்க்கப்படுகிறது.