சண்முக பாண்டியன் நடிக்கும் கொம்பு சீவி படத்தின் புதிய அறிவிப்பு வெளியாகி உள்ளது.
விஜயகாந்தின் இளைய மகன் சண்முக பாண்டியன், தமிழ் சினிமாவில் சகாப்தம் படத்தின் மூலம் கதாநாயகனாக அறிமுகமானவர். அதை தொடர்ந்து இவர் மதுரவீரன் எனும் திரைப்படத்திலும் நடித்திருந்தார். பின்னர் சிறிய இடைவெளிக்கு பிறகு படை தலைவன் என்ற படத்தில் நடித்து முடித்துள்ளார். இந்த படம் வருகின்ற மே 23ஆம் தேதி திரைக்கு வர தயாராகி வருகிறது. இதற்கிடையில் இவர் கொம்பு சீவி எனும் திரைப்படத்திலும் நடித்துள்ளார். இந்தப் படத்தில் சண்முக பாண்டியன் உடன் இணைந்து சரத்குமார் முக்கிய கதாபாத்திரத்தில் நடித்திருக்கிறார். மேலும் இவர்களுடன் இணைந்து காளி வெங்கட், தாமிகா மற்றும் பலர் நடித்துள்ளனர். இந்த படத்தை வருத்தப்படாத வாலிபர் சங்கம், ரஜினி முருகன் ஆகிய படங்களை இயக்கிய பொன்ராம் இயக்கி வருகிறார். பாலசுப்பிரமணியம் இந்த படத்திற்கு ஒளிப்பதிவு செய்ய யுவன் சங்கர் ராஜா இதற்கு இசையமைக்கிறார்.
#Kombuseevi – Dubbing Begins..⭐ Starring #Sarathkumar & #ShanmugaPandian ..🤝pic.twitter.com/HCSUJOv5MD
— Laxmi Kanth (@iammoviebuff007) May 20, 2025
இந்த படத்தை ஸ்டார் சினிமாஸ் நிறுவனம் தயாரிக்கிறது. கடந்த 1996 இல் மதுரைக்கு அருகில் உள்ள உசிலம்பட்டியில் நடந்த உண்மை சம்பவத்தை மையமாக வைத்து எடுக்கப்படும் இந்த படத்தின் படப்பிடிப்புகள் ஏறத்தாழ நிறைவடைந்த நிலையில் தற்போது படக்குழு புதிய அறிவிப்பை வெளியிட்டுள்ளது. அதன்படி இப்படத்தின் டப்பிங் பணிகளை தொடங்கி இருப்பதாக படக்குழு வீடியோ ஒன்றை வெளியிட்டு அறிவித்துள்ளது.