சிவகார்த்திகேயன் நடிக்கும் ‘மதராஸி’…. ரிலீஸ் தேதி இதுதானா?

சிவகார்த்திகேயன் நடிக்கும் மதராஸி படத்தின் ரிலீஸ் குறித்த புதிய தகவல் வெளியாகியுள்ளது.

சிவகார்த்திகேயன் நடிப்பில் கடைசியாக அமரன் திரைப்படம் வெளியாகி மாபெரும் வெற்றி பெற்றது. அதைத்தொடர்ந்து இவர் சுதா கொங்கரா இயக்கத்தில் பராசக்தி திரைப்படத்தில் நடித்து வருகிறார். இதற்கிடையில் ஏ.ஆர். முருகதாஸ் இயக்கத்தில் தனது 23 வது திரைப்படத்தில் நடிப்பதற்கு ஒப்பந்தமானார் சிவகார்த்திகேயன். அதன்படி மதராஸி என்று தலைப்பு வைக்கப்பட்டுள்ள இந்த படத்தின் படப்பிடிப்பு சென்னை, தூத்துக்குடி போன்ற பகுதிகளில் விறுவிறுப்பாக நடைபெற்று வந்தது. ஏ.ஆர். முருகதாஸ், சல்மான் கானின் சிக்கந்தர் படத்தில் கவனம் செலுத்தி வந்ததால் மதராஸி படப்பிடிப்பிற்கு பிரேக் விடப்பட்டிருந்தது. இந்நிலையில் இன்னும் சில நாட்களில் ஏ.ஆர். முருகதாஸ், மதராஸி படப்பிடிப்பை தொடங்குவார் என்று சொல்லப்படுகிறது. இந்த படமானது ஏ.ஆர். முருகதாஸின் மற்ற படங்களை போல் ஆக்சன் கலந்த கதைக்களத்தில் உருவாகி வருகிறது. நடிகர் சிவகார்த்திகேயனும் இப்படத்தில் மாறுபட்ட பரிமாணத்தில் நடித்து வருகிறார். இந்நிலையில் தான் இந்த படம் 2025 தீபாவளி தினத்தை முன்னிட்டு திரைக்கு வரும் என சமூக வலைதளங்களில் பல தகவல்கள் வெளிவந்தது. ஆனால் தற்போது கிடைத்த தகவல் என்னவென்றால் இப்படத்தை 2025 செப்டம்பர் 5ஆம் திரைக்கு கொண்டு வர படக்குழு திட்டமிட்டு வருவதாக தகவல் கசிந்துள்ளது. இருப்பினும் விரைவில் இது தொடர்பான அதிகாரப்பூர்வ அறிவிப்பு வெளியாகும் என நம்பப்படுகிறது.

மதராஸி திரைப்படத்தை ஸ்ரீ லட்சுமி மூவிஸ் நிறுவனம் தயாரிக்க அனிருத் இதற்கு இசையமைக்கிறார் என்பது குறிப்பிடத்தக்கது.