வெற்றிமாறனுடன் சுதா கொங்கரா- புகைப்படம் வைரல்
வெற்றிமாறனுடன் சுதா கொங்கரா எடுத்துக்கொண்ட புகைப்படங்கள் இணையத்தில் வைரலாகி வருகின்றன.
2010-ம் ஆண்டு ஸ்ரீகாந்த் மற்றும் விஷ்ணு விஷால் ஆகியோர் நடிப்பில் வெளியான துரோகி படத்தின் மூலம் தமிழ் சினிமாவில் இயக்குனராக அறிமுகமானவர் சுதா கொங்கரா. அதன் பின், மாதவன் மற்றும் ரித்திகா சிங் நடிப்பில் வெளியான இறுதி சுற்று படத்தை இயக்கியதன் மூலம் ரசிகர்களை கவர்ந்தார். இவர் அண்மையில் சூர்யா நடிப்பில் வெளியான சூரரைப்போற்று படத்தை இயக்கி விருதுகளையும் பெற்றார். தற்போது இப்படத்தின் ஹிந்தி ரீமேக் பணிகளில் ஈடுபட்டுள்ளார்.
இந்நிலையில், வெற்றிமாறன் இயக்கி உள்ள ‘விடுதலை‘ படத்தின் கடைசி நாள் படப்பிடிப்பில் இயக்குனர் சுதா கொங்கரா கலந்து கொண்டார். இது தொடர்பாக அவர் பதிவு ஒன்றை பகிர்ந்துள்ளார். அதில், “என் இருண்ட இடைவெளியில் இருந்து விடுதலை.என் நண்பனின் “கடைசி நாள்” படப்பிடிப்பு என்று குறிப்பிட்டு வெற்றிமாறனுடன் எடுத்துக்கொண்ட புகைப்படங்களையும் வெளியிட்டுள்ளார்.