நடிகர் ரஜினி, நெல்சன் இயக்கத்தில் வெளியான ஜெயிலர் படத்தின் மாபெரும் வெற்றிக்குப் பிறகு வேட்டையன் படத்தில் நடித்து வருகிறார். ரஜினியின் 171வது படமான இந்த படத்தை ஜெய் பீம் பட இயக்குனர் டிஜே ஞானவேல் இயக்கி வருகிறார். லைக்கா ப்ரோடக்ஷன் நிறுவனம் தயாரிக்கும் இந்த படத்திற்கு அனிருத் இசை அமைக்கிறார். படத்தின் ரஜினியுடன் இணைந்து அமிதாப் பச்சன், பஹத் பாசில், ராணா, ரித்திகா சிங், மஞ்சு வாரியர், துஷாரா விஜயன் உள்ளிட்ட பலர் நடிக்கின்றனர். படத்தின் படப்பிடிப்புகள் சில மாதங்களுக்கு முன்பாக திருவனந்தபுரத்தில் பூஜையுடன் தொடங்கப்பட்டு சென்னை, புதுச்சேரி, நாகர்கோவில் கன்னியாகுமரி உள்ளிட்ட பகுதிகளில் விறுவிறுப்பாக நடைபெற்று வருகிறது. 
இதற்கிடையில் ரஜினியின் பிறந்த நாளை முன்னிட்டு படத்தின் டீசரை பட குழுவினர் வெளியிட்டு கவனம் ஈர்த்தனர். அதைத்தொடர்ந்து பொங்கல் தினத்தை முன்னிட்டு புதிய போஸ்டரையும் வெளியிட்டனர். இந்நிலையில் இந்த படத்தின் அடுத்த கட்ட படப்பிடிப்பு ஆந்திர பிரதேசத்தில் உள்ள கடப்பாவில் தொடங்கப்பட்டுள்ளதாக தகவல்கள் வெளியாகி உள்ளது. இதில் பகத் பாசில் மற்றும் ராணாவின் காட்சிகள் படமாக்கப்பட உள்ளதாக கூறப்படுகிறது. அதே சமயம் இப்படம் இறுதி கட்ட படப்பிடிப்பை எட்டி உள்ளதாகவும் தகவல் கசிந்துள்ளது. என்னிடம் இது சம்பந்தமான அறிவிப்பு விரைவில் வெளியாகும் என்று எதிர்பார்க்கப்படுகிறது.
- Advertisement -