ஐதராபாத்vsகுஜராத் அணிகளுக்கு இடையேயான ஆட்டம் மழை காரணமாக டாஸ் போடுவதில் தாமதம் ஏற்பட்டுள்ளது.
17வது ஐபிஎல் கிரிக்கெட் தொடர் கடந்த மார்ச் மாதம் 22ம் தேதி தொடங்கியது. இதுவரை 65 லீக் போட்டிகள் நடந்துள்ளன. இன்று 66வது லீக் போட்டி நடைபெறுகிறது. ஐதராபாத்தில் உள்ள ராஜீவ் காந்தி மைதானத்தில் இன்று இரவு 7.30 மணிக்கு நடைபெறும் 66வது லீக் போட்டியில் பேட் கம்மின்ஸ் தலைமையிலான சன் ரைசர்ஸ் ஐதராபாத் அணியும் சுப்மான் கில் தலைமையிலான ராஜஸ்தான் ராயல்ஸ் அணிகளும் பலப்பரீட்சை நடத்துகின்றன. ஐதராபாத் அணியை பொறுத்தவரை இதுவரை விளையாடியுள்ள 12 போட்டிகளில் 7 வெற்றி 5 தோல்வியுடன் புள்ளிப்பட்டியலில் 4வது இடத்திலுள்ளது. குஜராத் அணியை பொறுத்தவரை இதுவரை விளையாடியுள்ள 13 போட்டிகளில் 5 வெற்றி 8 தோல்விகளுடன் புள்ளிப்பட்டியலில 8வது இடத்திலுள்ளது.
இவ்விரு அணிகளும் இதுவரை 4 போட்டிகளில் நேருக்கு நேர் மோதியுள்ளன. இதில் குஜராத் அணி 3 முறையும் ஐதராபாத் அணி 1 முறையும் வெற்றி பெற்றுள்ளன. குஜராத் அணியை பொறுத்தவரை ஏற்கனவே பிளே ஆப் சுற்று வாய்ப்பை இழந்துள்ளதால் இப்போட்டியில் எந்தவித தாக்கத்தையும் ஏற்படுத்தாது. அதே சமயம் ஐதராபாத் அணி இப்போட்டியில் வெற்றி பெற்று பிளே ஆப் சுற்றுக்கு நுழைய முயற்சிக்கும் என்பதால் இப்போட்டியில் விறுவிறுப்புக்கு பஞ்சம் இருக்காது.
இந்த நிலையில் இப்போட்டியானது தொடங்குவதற்கு முன்பே மழைக் குறுக்கிட்டதால் டாஸ் போடுவதற்கு தாமதம் ஏற்பட்டது. ஒரு வேளை மழை நின்று ஆட்டம் தொடங்கினால் ஓவர்கள் குறைக்கப்பட வாய்ப்புள்ளது. இல்லையெனில் ஆட்டம் தடை செய்யப்பட்டு இரு அணிகளுக்கும் தலா ஒரு புள்ளிகள் வழங்கப்படும்.