தமிழகத்தில் அண்மையில் நடைபெற்ற முதலீட்டாளர்கள் மாநாடு மற்றும் கையெழுத்தான புரிந்துணர்வு ஒப்பந்தங்கள் (MoU) குறித்தான விவாதங்கள் தற்போது அரசியல் மற்றும் தொழில் வட்டாரங்களில் சூடுபிடித்துள்ளன. இது குறித்து இந்தியத் தொழில்முனைவோர் சங்கத்தின் தேசியத் தலைவர் கே. ரகுநாதன், அரசின் புதிய முயற்சிகளைப் பாராட்டிய அதேவேளையில், சில நடைமுறைச் சிக்கல்கள் குறித்தும் தனது ஆக்கப்பூர்வமான கருத்துகளை முன்வைத்துள்ளார்.
புரிந்துணர்வு ஒப்பந்தங்களைத் தாண்டிய செயல்வேகம் தேவை!
நிகழ்ச்சியின் தொடக்கத்தில் பேசிய கே. ரகுநாதன், வெறும் ஒப்பந்தங்களில் கையெழுத்திடுவது மட்டுமே முழுமையான இலக்கல்ல என்பதைச் சுட்டிக்காட்டினார். “வெறும் காகிதப் பரிமாற்றங்களை விட, அவை தரைமட்டத்தில் எந்த அளவுக்குத் தொழிலாக உருவெடுக்கின்றன என்பதே மிக முக்கியம். தொழில்துறையின் உண்மையான வளர்ச்சியை உறுதிப்படுத்த முறையான திட்டமிடலும் வெளிப்படைத்தன்மையும் அவசியமாகும்,” என்று அவர் தெரிவித்தார்.
புதிய அமைச்சரின் துணிச்சலான தொடக்கம்!
அதேவேளையில், புதிய அமைச்சரின் வேகமான செயல்பாடுகளைப் பாராட்டிப் பேசிய அவர், “அரசியல் களத்தில் குறைந்த நாட்களே அனுபவம் இருந்தாலும், துணிச்சலாகக் களத்தில் இறங்கி 90 நாட்களுக்குள் இத்தகைய பிரம்மாண்ட மாநாட்டை நடத்தியது பாராட்டுக்குரியது. நீச்சல் கற்றுக்கொள்ள வேண்டுமெனில் முதலில் தண்ணீரில் குதிக்க வேண்டும்; அந்த வகையில் அமைச்சர் துணிச்சலாகக் குதித்துள்ளார். அவர் இலக்காக நிர்ணயித்த ‘கிரீன்ஃபீல்ட்’ (Greenfield) முதலீடுகளில் பாதியாவது நிஜமானால், அது தமிழகத் தொழில்துறைக்கு மிகப்பெரிய பாய்ச்சலாக அமையும்,” என்று நம்பிக்கைத் தெரிவித்தார்.
தொழில்முனைவோரின் எதிர்பார்ப்பு
தமிழகத்தின் தொழில் வளர்ச்சியை மேம்படுத்தும் நோக்கில் அரசு எடுத்துவரும் முயற்சிகள் தொழில் துறையினரிடையே ஆரோக்கியமான விவாதங்களை ஏற்படுத்தியுள்ளன. எதிர்காலத்தில் இந்த ஒப்பந்தங்கள் அனைத்தும் காகித அளவோடு நின்றுவிடாமல், முழுமையான பயன்பாட்டுக்கு வந்து இளைஞர்களுக்கு வேலைவாய்ப்பை உருவாக்க வேண்டும் என்பதே தொழில்முனைவோரின் முதன்மை எதிர்பார்ப்பாக உள்ளது.
விஜய் அரசின் 100 நாள் ஆட்சி: ‘வெளிப்படைத்தன்மை குறைவு’ என மூத்த பத்திரிகையாளர் மணி விமர்சனம்