தென் கொரியாவின் பிரபல வீடியோ கேமிங் நிறுவனமான ‘ஸ்மைல்கேட்’ (Smilegate) அமைப்பின் நிறுவனர் மற்றும் முதன்மை தொலைநோக்கு அதிகாரியான (CVO) குவோன் ஹியுக்-பின் (Kwon Hyuk-bin), தனது மனைவியிடமிருந்து விவாகரத்து பெறும் வழக்கில், 2.55 டிரில்லியன் வோன் (சுமார் 1.8 பில்லியன் அமெரிக்க டாலர்கள் / இந்திய மதிப்பில் சுமார் ரூ.15,000 கோடிக்கும் அதிகம்) தொகையை மனைவிக்கும் சொத்துப் பங்கீடாக வழங்க வேண்டும் என சியோல் குடும்ப நீதிமன்றம் வரலாற்றுச் சிறப்புமிக்க தீர்ப்பை வழங்கியுள்ளது.
வழக்கின் முக்கிய பின்னணி மற்றும் தீர்ப்பு:
சொத்துப் பங்கீடு: தொழிலதிபர் குவோன் ஹியுக்-பின்னின் மொத்தச் சொத்து மதிப்பிலிருந்து 35% தொகையான ஸ்மைல்கேட் நிறுவனத்தின் பங்குகள் (சுமார் 2.49 டிரில்லியன் வோன்) மற்றும் ரூ.65 பில்லியன் வோன் ரொக்கம் உட்பட மொத்தம் 2.55 டிரில்லியன் வோனை மனைவிக்கு வழங்க வேண்டும் என நீதிமன்றம் உத்தரவிட்டுள்ளது.
மனைவியின் பங்களிப்பு அங்கீகாரம்: நிறுவனம் தொடங்கப்பட்ட தொடக்கக் காலத்தில் மனைவியின் பங்கு, நிறுவனத்தின் தலைமை அதிகாரியாக (CEO) அவர் பணியாற்றியது மற்றும் குடும்பத்தையும் குழந்தைகளையும் கவனித்துக் கொண்டதில் அவரது முக்கியப் பங்களிப்பை நீதிமன்றம் ஏற்றுக்கொண்டு இந்தத் தீர்ப்பை வழங்கியுள்ளது.
வரலாற்று சாதனை: தென் கொரிய நீதிமன்ற வரலாற்றிலேயே விவாகரத்து வழக்கிற்காக உத்தரவிடப்பட்ட மிகப்பெரிய சொத்துப் பங்கீட்டுத் தொகை இதுவே ஆகும். (முன்னதாக எஸ்கே குரூப் தலைவர் செ தாய்-வோன் வழங்கிய தொகையை விட இது மிகப்பெரிய அளவாகும்).
மேலும், தம்பதியினரின் இளைய குழந்தையின் வளர்ப்பு உரிமை தாய்க்கு வழங்கப்பட்டுள்ளதோடு, குழந்தைப் பராமரிப்புச் செலவுக்காகக் கணவர் மாதம் 20 மில்லியன் வோன் வழங்கவும் நீதிமன்றம் உத்தரவிட்டுள்ளது.