ஸ்வீட் ஹார்ட் படத்தின் டப்பிங் பணிகளை தொடங்கிய ரியோ ராஜ்!
ரியோ ராஜன் அடுப்பில் உருவாகியுள்ள ஸ்வீட் ஹார்ட் படத்தின் டப்பிங் பணிகள் தொடங்கப்பட்டுள்ளது.
ரியோ ராஜ் ஆரம்பத்தில் பிரபல தொலைக்காட்சி நிகழ்ச்சிகளில் தொகுப்பாளராக பணியாற்றி அப்பொழுதே ஏராளமான ரசிகர்களை தன் பக்கம் கவர்ந்திழுத்தவர். அதன் பின்னர் இவர் கடந்த 2017 இல் விக்ரம் பிரபு நடிப்பில் வெளியான சத்ரியன் திரைப்படத்தில் ஹீரோவுக்கு நண்பனாக நடித்திருந்தார். பின்னர் 2019-ல் வெளியான நெஞ்சமுண்டு நேர்மையுண்டு ஓடு ராஜா என்ற படத்தில் ஹீரோவாக அறிமுகமான ரியோ ராஜ் பிளான் பண்ணி பண்ணனும் என்ற படத்திலும் ஹீரோவாக நடித்தார்.
இருப்பினும் கடந்த ஆண்டு வெளியான ஜோ திரைப்படம் தான் ரியோ ராஜுக்கு பெயரையும் புகழையும் பெற்றுத் தந்தது. இந்த படத்திற்குப் பிறகு ரியோ ராஜுக்கு பட வாய்ப்புகள் குவிந்து வருகின்றன. அந்த வகையில் பல படங்களில் கமிட்டாகி நடித்து வரும் ரியோ ராஜ், யுவன் சங்கர் ராஜாவின் தயாரிப்பில் உருவாகும் ஸ்வீட் ஹார்ட் என்ற திரைப்படத்திலும் நடித்திருக்கிறார். இந்த படத்தை அறிமுக இயக்குனர் ஸ்வினீத் எஸ் சுகுமார் என்பவர் எழுதி இயக்கியிருக்கிறார். 
கடந்த சில மாதங்களுக்கு முன்பாக இந்த படத்தின் படப்பிடிப்புகள் தொடங்கப்பட்டு விறுவிறுப்பாக நடைபெற்று வந்த நிலையில் சமீபத்தில் படப்பிடிப்பு முழுவதும் நிறைவடைந்தது. அதன் பின்னர் இந்த படத்தின் தலைப்பு குறித்த வீடியோவையும் பட குழுவினர் வெளியிட்டிருந்தனர். இந்நிலையில் இப்படத்தின் டப்பிங் பணிகளை நடிகர் ரியோ ராஜ் தொடங்கியுள்ளார். இது தொடர்பான புகைப்படங்கள் இணையத்தில் வைரலாகி வருகிறது.