நடிகர் மாதவன் ராகவா லாரன்ஸ் நடிக்கும் பென்ஸ் படத்தில் இணைய உள்ளதாக தகவல் வெளியாகி இருக்கிறது.
ராகவா லாரன்ஸ் கடைசியாக ஜிகர்தண்டா டபுள் எக்ஸ் எனும் திரைப்படத்தில் நடித்திருந்தார். அதைத்தொடர்ந்து ஹண்டர், கால பைரவா போன்ற படங்களை கைவசம் வைத்திருக்கிறார். மேலும் லோகேஷ் கனகராஜின் தயாரிப்பில் உருவாகும் பென்ஸ் திரைப்படத்தில் நடிக்க உள்ளார். இந்த படத்தினை பாக்யராஜ் கண்ணன் இயக்க உள்ளார்.
ஏற்கனவே இந்த படம் தொடர்பான அதிகாரப்பூர்வ அறிவிப்பு வெளியான நிலையில் இந்த படம் லோகேஷ் கனகராஜின் எல்சியு வில் இணைய இருப்பதாக அறிவிக்கப்பட்டது. இந்த தகவல் ரசிகர்கள் மத்தியில் படத்தின் மீதான எதிர்பார்ப்பை அதிகப்படுத்தியது. அதேசமயம் இந்த படத்தில் ராகவா லாரன்ஸ் உடன் இணைந்து பிரியங்கா மோகன், பகத் பாசில் எஸ்.ஜே சூர்யா ஆகியோர் நடிப்பதாகவும் செய்திகள் வெளியானது. ஆனால் அதிகாரப்பூர்வ அறிவிப்பு வெளியாகவில்லை. இந்நிலையில் பென்ஸ் திரைப்படத்தில் முக்கிய கதாபாத்திரத்தில் நடிகர் மாதவன் நடிக்கப் போகிறாராம். 
படத்தின் கதையைக் கேட்டதும் நடிகர் மாதவன் அதற்கு ஓகே சொல்லிவிட்டதாகவும் அவருடைய கால்ஷீட் கிடைக்காததால் தான் பென்ஸ் படத்தின் படப்பிடிப்பு இன்னும் தொடங்கப்படவில்லை எனவும் புதிய தகவல்கள் தெரிவிக்கின்றன. எனவே பென்ஸ் படத்தில் நடிகர் மாதவன் நடிக்க உள்ள கதாபாத்திரம் என்ன மாதிரியான கதாபாத்திரமாக இருக்கும்? என ரசிகர்கள் பலரும் இப்பொழுதே யோசிக்க தொடங்கி விட்டனர்.