‘தக் லைஃப்’ படத்தின் அடுத்த பாடல் ரிலீஸ் தேதி இதுதான்!

தக் லைஃப் படத்தின் அடுத்த பாடல் ரிலீஸ் தேதி அறிவிக்கப்பட்டுள்ளது.

கமல்ஹாசன் – சிம்பு ஆகியோரின் நடிப்பில் தற்போது உருவாகியுள்ள திரைப்படம் தான் தக் லைஃப். இந்த படத்தை மணிரத்னம் இயக்க கமல்ஹாசனின் ராஜ் கமல் ஃபிலிம்ஸ் இன்டர்நேஷனல் நிறுவனம் படத்தை தயாரித்திருக்கிறது. ஏ.ஆர். ரகுமான் இதற்கு இசையமைத்துள்ளார். இந்த படத்தில் கமல்ஹாசன், சிம்புவுடன் இணைந்து அபிராமி, திரிஷா, அசோக் செல்வன், ஐஷ்வர்யா லக்ஷ்மி, ஜோஜு ஜார்ஜ் மற்றும் பலர் நடித்திருக்கின்றனர். ஆக்சன் கலந்த கதைக்களத்தில் உருவாகி இருக்கும் இந்த படத்தின் மீதான எதிர்பார்த்த மிகப்பெரிய அளவில் இருந்து வருகிறது. அதன்படி இப்படம் அடுத்த மாதம் 5ஆம் தேதி உலகம் முழுவதும் வெளியாக இருக்கிறது. இதற்கிடையில் இந்த படத்தில் இருந்து டீசர், முதல் பாடல், டிரைலர் என அடுத்தடுத்து வெளியாகி ரசிகர்களை வெகுவாக கவர்ந்துள்ளது. அதிலும் இந்த படத்தின் டிரைலர் படத்தின் மீதான எதிர்பார்ப்பை மிகப்பெரிய அளவில் அதிகப்படுத்தி உள்ளது. ஏனென்றால் கமலும் – சிம்புவும் மோதிக் கொள்ளும் காட்சி டிரைலரில் காண்பிக்கப்பட்டிருந்தது. இது தவிர நடிகை திரிஷா, சிம்புவுக்கு ஜோடியாக நடித்திருப்பார் என்று எதிர்பார்க்கப்பட்டிருந்த நிலையில் அவர் கமலின் கள்ளக்காதலியாக காண்பிக்கப்பட்டிருந்தார். இதனால் மணிரத்னம் தரமான சம்பவத்தை செய்திருப்பார் என்று ரசிகர்கள் ஆர்வத்துடன் காத்துக் கொண்டிருக்கின்றனர். இந்நிலையில் வருகின்ற மே 21ஆம் தேதி (நாளை) இந்த படத்தில் இருந்து சுகர் பேபி எனும் இரண்டாவது பாடல் வெளியாகும் என அறிவிக்கப்பட்டிருக்கிறது. மேலும் வருகின்ற மே 24 இந்த படத்தின் இசை வெளியீட்டு விழா சென்னையில் நடைபெற இருக்கிறது என்பதும் குறிப்பிடத்தக்கது.