STR 49 பட முன்னோட்டத்தின் ரிலீஸ் குறித்த புதிய தகவல் வெளியாகியுள்ளது.
சிம்பு அடுத்ததாக வெற்றிமாறன் இயக்கத்தில் தனது 49வது திரைப்படத்தில் நடிக்க உள்ளார். இந்த படத்திற்கு தற்காலிகமாக STR 49 என்று தலைப்பு வைக்கப்பட்டுள்ளது. வி கிரியேஷன்ஸ் நிறுவனத்தின் சார்பில் கலைப்புலி எஸ். தாணு இந்த படத்தை தயாரிக்கிறார். தனது அட்மேன் சினி ஆர்ட்ஸ் நிறுவனத்தின் சார்பில் சிம்புவும் இந்த படத்தை தாணுவுடன் இணைந்து தயாரிக்கப் போவதாக சொல்லப்படுகிறது. முதன்முறையாக இணைந்திருக்கும் வெற்றிமாறன் – சிம்பு கூட்டணியின் மீதான எதிர்பார்ப்பு மிகப்பெரிய அளவில் இருந்து வருகிறது.
அதுமட்டுமில்லாமல் வெற்றிமாறன் இயக்கத்தில் தனுஷ் நடிப்பில் வெளியான ‘வடசென்னை’ படத்தின் யுனிவர்ஸாக இப்படம் உருவாகும் எனவும், இந்த படத்தை இரண்டு பாகங்களாக எடுக்க திட்டமிட்டு இருப்பதாகவும் வெற்றிமாறன் அப்டேட் கொடுத்து ரசிகர்களின் எதிர்பார்ப்பை அதிகப்படுத்தி உள்ளார். இந்நிலையில் தான் இந்த படத்தின் அதிகாரப்பூர்வ அறிவிப்பு வெளியாகி ரசிகர்களுக்கு இன்ப அதிர்ச்சி தந்தது. அதைத்தொடர்ந்து கடந்த அக்டோபர் 4ஆம் தேதி இந்த படத்தின் முன்னோட்டம் வெளியாகும் என அறிவிக்கப்பட்டது. ஆனால் ஒரு சில தவிர்க்க முடியாத காரணங்களால், முன்னோட்டத்தின் ரிலீஸ் ஒத்திவைக்கப்பட்டிருப்பதாகவும், திரையரங்குகளிலும், சமூக வலைதளங்களிலும் ஒரே நேரத்தில் இதனை வெளியிட திட்டமிட்டு இருப்பதாகவும் படக்குழு அறிவித்தது. 
அதன்படி தீபாவளிக்குள் STR 49 படத்தின் முன்னோட்டம் வெளியாகும் என எதிர்பார்க்கப்பட்டது. இந்நிலையில் தீபாவளிக்கு திரையரங்குகளில் வெளியாக இருக்கும் டீசல், பைசன், டியூட் ஆகிய படங்களின் போது ‘STR 49’ படத்தின் முன்னோட்டம் ஒளிபரப்பப்படும் என சினிமா வட்டாரங்கள் தெரிவிக்கின்றன. எனவே ரசிகர்கள் இதை கொண்டாட இப்பொழுதே தயாராகி வருகிறார்கள்.