லோகேஷ் கனகராஜ் நடிக்கும் புதிய படத்தின் பூஜை குறித்த தகவல் வெளியாகியுள்ளது.
லோகேஷ் கனகராஜ் தமிழ் சினிமாவில் இயக்குனராகவும் தயாரிப்பாளராகவும் வலம் வருகிறார். அந்த வகையில் இவரது இயக்கத்தில் கடைசியாக ‘கூலி’ திரைப்படம் வெளியானது. இது தவிர இவர் தனது ஜி ஸ்குவாட் நிறுவனத்தின் சார்பில் பென்ஸ் போன்ற படங்களை தயாரித்து வருகிறார். இதற்கிடையில் இவர், ஸ்ருதிஹாசன் உடன் இணைந்து ‘இனிமேல்’ என்ற ஆல்பம் பாடலில் நடித்திருந்தார். அதன் பின்னர் இவர் புதிய படத்தில் ஹீரோவாக நடிக்கப் போகிறார் என சமீபகாலமாக பல தகவல்கள் வெளியாகி வருகிறது. அதன்படி இந்த படத்தை ‘கேப்டன் மில்லர்’ படத்தின் இயக்குனர் அருண் மாதேஸ்வரன் இயக்கப் போவதாகவும் சன் பிக்சர்ஸ் நிறுவனம் இந்த படத்தை தயாரிக்கப் போவதாகவும் சொல்லப்படுகிறது. மேலும் இந்த படத்தில் இரண்டு கதாநாயகிகள் நடிக்க உள்ளதாக தகவல் வெளியாகி வருகிறது. 
இது தொடர்பாக மிர்னா மேனன், ரச்சிதா ராம் ஆகியோரிடம் பேச்சுவார்த்தை நடைபெற்று வருவதாக ஏற்கனவே தகவல் கசிந்திருந்தது. ஆனால் அதிகாரப்பூர்வ அறிவிப்பு இதுவரை வெளியாகவில்லை. இந்நிலையில் இந்த புதிய படத்தின் பூஜை இன்று (அக்டோபர் 23) நடைபெற இருப்பதாக சினிமா வட்டாரங்கள் தெரிவிக்கின்றன. எனவே விரைவில் இந்த படத்தில் நடிக்கும் மற்ற நடிகர்கள் குறித்த தகவலும், தொழில்நுட்ப கலைஞர்கள் குறித்த தகவலும் வெளியாகும் என்று நம்பப்படுகிறது.