அருண் விஜயின் ரெட்ட தல பட ரிலீஸ் தேதி மாற்றப்பட்டுள்ளது.
அருண் விஜய் கடைசியாக தனுஷின் ‘இட்லி கடை’ திரைப்படத்தில் நடித்திருந்தார். இதற்கிடையில் இவர், ரெட்ட தல எனும் திரைப்படத்தில் நடித்திருக்கிறார். இந்தப் படத்தை ‘மான் கராத்தே’ பட இயக்குனர் கிரிஷ் திருக்குமரன் இயக்கியுள்ளார். பிடிஜி யுனிவர்சல் நிறுவனம் இந்த படத்தை தயாரிக்க சாம் .சி.எஸ் இதன் இசையமைப்பாளராக பணியாற்றியுள்ளார். டிஜோ டாமி ஒளிப்பதிவு பணிகளை கவனித்திருக்கிறார். இந்த படத்தில் அருண் விஜய் இரட்டை வேடங்களில் நடிக்க அவருடன் இணைந்து சித்தி இத்னானி, தான்யா ரவிச்சந்திரன், பாலாஜி முருகதாஸ், ஜான் விஜய் ஆகியோர் முக்கிய கதாபாத்திரங்களில் நடித்துள்ளனர். 
ஆக்சன் திரில்லர் ஜானரில் உருவாகி இருக்கும் இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதன்படி இதன் படப்பிடிப்புகளும் ஏற்கனவே நிறைவடைந்து தற்போது பின்னணி வேலைகள் விறுவிறுப்பாக நடைபெற்று வருகின்றன. மேலும் படத்திலிருந்து டீசர், பாடல்கள் என அடுத்தடுத்து வெளியாகி ரசிகர்களை கவர்ந்து வருகின்றன.
இந்நிலையில் இந்த படம் தொடர்பான புதிய அறிவிப்பை படக்குழு வெளியிட்டுள்ளது. அதாவது இப்படம் வருகின்ற டிசம்பர் 18ஆம் தேதி திரைக்கு வரும் என கடந்த சில தினங்களுக்கு முன்னர் அறிவிக்கப்பட்டிருந்தது. ஆனால் தற்போது இந்த படம் வருகின்ற டிசம்பர் 25 கிறிஸ்துமஸ் தினத்தை முன்னிட்டு உலகம் முழுவதும் வெளியாகும் என அறிவிக்கப்பட்டிருக்கிறது.