இன்று தமிழகம் முழுவதும் ரேஷன் கடைகளில் கைவிரல் ரேகை பதிவு சிறப்பு முகாம்!

தமிழ்நாடு முழுவதும் உள்ள அனைத்து நியாயவிலைக் கடைகளிலும் (ரேஷன் கடைகளில்) குடும்ப அட்டைதாரர்களுக்கான கைவிரல் ரேகை மற்றும் விழித்திரை சரிபார்ப்பு சிறப்பு முகாம் இன்று தொடங்கியது.

மாநிலம் முழுவதும் ஆகஸ்ட் 8 மற்றும் ஆகஸ்ட் 9 ஆகிய இரண்டு நாட்கள் இச்சிறப்பு முகாம்கள் நடைபெறுகின்றன. காலை 9:00 மணி முதல் மாலை 5:00 மணி வரை பொதுமக்கள் இந்தச் சேவையைப் பெற்றுக்கொள்ளலாம்.

இதுவரை e-KYC செய்யாதவர்கள் மற்றும் பணி அல்லது கல்வி காரணமாக வெளியூர்களில் தங்கியிருப்பவர்கள், தங்களுக்கு அருகில் உள்ள எந்தவொரு நியாயவிலைக் கடைக்கும் நேரடியாகச் சென்று இச்சேவையைப் பெற்றுக்கொள்ளலாம்.

சிறப்பு முகாமிற்குச் செல்பவர்கள் பின்வரும் ஆவணங்களைத் தவறாமல் எடுத்துச் செல்ல வேண்டும்:

பயோமெட்ரிக் கருவி மூலம் கைவிரல் ரேகை அல்லது கண் கருவிழி (விழித்திரை) பதிவு செய்வதன் மூலம் மிக எளிதாக e-KYC சரிபார்ப்பை முடித்துக் கொள்ளலாம்.

முன்னுரிமை (PHH) மற்றும் அனைத்து வகைக் குடும்ப அட்டைகளிலும் 100% e-KYC பதிவை முழுமையாக எட்டும் நோக்கில் தமிழ்நாடு அரசு இச்சிறப்பு முகாம்களை ஏற்பாடு செய்துள்ளது.