தமிழக சட்டப்பேரவையில் நடைபெற்ற மானியக் கோரிக்கை மீதான விவாதத்தின் போது, அரசின் முக்கியக் கோப்புகள் மற்றும் முறைகேடு குற்றச்சாட்டுகள் குறித்து ஆளுங்கட்சி மற்றும் எதிர்க்கட்சி உறுப்பினர்களுக்கு இடையே காரசாரமான விவாதமும், சவால்களும் அரங்கேறின.
எதிர்க்கட்சியின் குற்றச்சாட்டு மற்றும் சவால்:
அவையில் பேசிய எதிர்க்கட்சித் தலைவர், முதலமைச்சரின் மேஜையில் மூன்று முக்கியமான கோப்புகள் இருப்பதாகவும், அந்த கோப்புகளைத் திறந்து உடனடியாக உரிய நடவடிக்கை எடுக்க வேண்டும் என்றும் வலியுறுத்தினார். மேலும், இது தொடர்பாகப் பேசுகையில் சில சினிமா பாணியிலான விமர்சனங்களையும் அவர் முன்வைத்தார்.
உதயநிதி ஸ்டாலின் அதிரடி பேச்சு – இதற்குப் பதிலளித்து அவை முன்னிலையில் பேசிய எதிர்கட்சி தலைவர் உதயநிதி ஸ்டாலின், முதலமைச்சரின் விமர்சனங்களுக்குக் கடுமையான கண்டனத்தைப் பதிவு செய்தார். அப்போது அவர் பேசுகையில், சினிமாவில் பேசுவதைப் போன்ற பஞ்ச் டயலாக் பேசுவதைத் தவிர்த்துவிட்டு, உண்மையான குற்றச்சாட்டுகளும் அதற்குரிய ஆதாரங்களும் இருந்தால் எந்தத் துறையாக இருந்தாலும், எத்தகைய கோப்பாக இருந்தாலும் உடனடியாகச் சட்டப்பூர்வமான நடவடிக்கை எடுங்கள். இதில் எதற்கும் தயங்கவோ பயப்படவோ தேவையில்லை” என்று வெளிப்படையாகச் சவால் விட்டார்.
இந்த விவாதத்தின் போது இரு தரப்பு உறுப்பினர்களுக்கும் இடையே ஏற்பட்ட கருத்து மோதல்களால் அவையில் பரபரப்பு நிலவியதுடன், விவாதத்தின் போது எழுப்பப்பட்ட சில குறிப்புகள் மற்றும் வார்த்தைகள் அவைத் குறிப்பிலிருந்து நீக்கப்பட்டன.
சட்டப்பேரவையில் அனல் பறந்த விவாதம்: எதிர்க்கட்சித் தலைவர் – அமைச்சர்களுக்கு இடையே கடும் வாக்குவாதம்!