அரண்மனை 4 படத்தின் ரிலீஸ் தேதி அறிவிக்கப்பட்டுள்ளது.
சுந்தர் சி இயக்கத்தில் வெளியான அரண்மனை 1,2,3 உள்ளிட்ட மூன்று பாகங்களுக்கு ரசிகர்கள் மத்தியில் நல்ல வரவேற்பு கிடைத்தது. நகைச்சுவை கலந்த திகில் திரைப்படமாக வெளியான இந்த படங்கள் ஒன்றுக்கொன்று தொடர்புடையதாக இல்லாமல் வெவ்வேறு கதைகளில் வெளியானது. இதைத்தொடர்ந்து சுந்தர் சி அரண்மனை 4 திரைப்படத்தை இயக்கியுள்ளார். இதில் சுந்தர்சியுடன் இணைந்து தமன்னா, ராஷி கண்ணா, யோகி பாபு, விடிவி கணேஷ் உள்ளிட்டோர் முக்கிய கதாபாத்திரங்களில் நடித்துள்ளனர். இந்தப் படத்தை பென்ஸ் மீடியா நிறுவனம் தயாரித்துள்ளது. ஹிப் ஹாப் ஆதி இசை அமைத்துள்ளார். இந்த படத்தின் படப்பிடிப்புகள் சில மாதங்களுக்கு முன்பாக தொடங்கி இருந்த நிலையில் தற்போது இறுதி கட்டப் பணிகள் நடைபெற்று வருகின்றன. 
மிகுந்த பொருட்செலவில் பிரமாண்டமான அரண்மனையில் படமாக்கப்படும் அரண்மனை 4 படம் வருகின்ற பொங்கல் தினத்தை முன்னிட்டு வெளியாக இருப்பதாக படக்குழுவினர் ஃபர்ஸ்ட் லுக் போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளனர்.