சூர்யா – சுதா கொங்கரா கூட்டணியில் புறநானூறு திரைப்படம்

சூர்யா தற்போது சிறுத்தை சிவா இயக்கத்தில் ‘கங்குவா’ படத்தில் நடித்து வருகிறார். இந்தப் படத்தை அடுத்து சூர்யா மீண்டும் சுதா கொங்கராவுடன் புதிய படத்தில் இணைந்துள்ளார். ‘சூரரைப் போற்று’ படத்தின் பெரும் வெற்றிக்குப் பிறகு இந்தக் கூட்டணி மீண்டும் இணைந்துள்ளது.

மேலும் இந்த படத்தில் நடிகர் துல்கர் சல்மானும் முக்கிய கதாபாத்திரத்தில் நடிக்க உள்ளார். அவருடன் சேர்ந்து பிரபல தமிழ் நடிகையும், மலையாள நடிகையுமான நஸ்ரியாவும் இணைந்துள்ளார். பிரபல பாலிவுட் நடிகரும், தமன்னாவின் காதலருமான விஜய் வர்மாவும் இப்படத்தில் ஒப்பந்தமாகியுள்ளார்.

Dear all we are excited! Joining hands with @Sudha_Kongara again in a @gvprakash musical, his 100th! SO looking forward to work with my brother @dulQuer & the talented #Nazriya & the performance champ @MrVijayVarma Glad @2D_ENTPVTLTD is producing this special film! #Jyotika… pic.twitter.com/wW9iu0jMeR

— Suriya Sivakumar (@Suriya_offl) October 26, 2023

சூரரைப் போற்று திரைப்படத்திற்கு இசை அமைப்பாளராக பணியாற்றிய ஜி.வி.பிரகாஷ், இந்த படத்திற்கும் பணியாற்ற உள்ளார். ஜிவி பிரகாஷூக்கு இது 100-வது திரைப்படமாகும். இதனால் அவருக்கும், படக்குழுவினருக்கும் பலர் வாழ்தது தெரிவித்து வருகின்றனர். படத்தை அறிவித்துள்ள படக்குழு முழு தலைப்பையும் விரைவில் அறிவிக்கும் என்று எதிர்பார்க்கப்படுகிறது. தற்போது புறநானூறு என்று மட்டும் படத்தின் தலைப்பு காட்சிப்படுத்தப்பட்டு உள்ளது.