கார்த்தி நடிக்கும் 26-வது படத்திற்கு வா வாத்தியாரே என தலைப்பு

கார்த்தி தனது 25வது படமான ஜப்பான் திரைப்படத்தில் நடித்து முடித்துள்ளார். இத்திரைப்படம் தீபாவளி பண்டிகையை முன்னிட்டு வெளியானது. கலவையான விமர்சனங்களுடன் படம் வசூலித்தது.

அதே சமயம் கார்த்தி தனது 26 வது படம் நடித்து வருகிறார். இந்த படத்தை சூது கவ்வும் படத்தை இயக்கிய நலன் குமாரசாமி இயக்கி வருகிறார். ஸ்டூடியோ கிரீன் நிறுவனம் இந்த படத்தை தயாரிக்க சந்தோஷ் நாராயணன் இதற்கு இசை அமைக்கிறார். ஒரு மசாலா படமாக உருவாகி வருகிறது. சில நாட்களுக்கு முன்பாக படத்தின் படப்பிடிப்புகள் தொடங்கப்பட்டு விறுவிறுப்பாக நடைபெற்று வருகிறது. இதில் கார்த்திக்கு ஜோடியாக கிருத்தி ஷெட்டி நடிக்கிறார்.

சமீபத்தில் இந்த படத்தில் சத்யராஜ் மற்றும் ராஜ்கிரன் உள்ளிட்ட ஒரு முக்கிய கதாபாத்திரங்களில் நடித்து வருவதாக செய்திகள் வெளியானது. இந்நிலையில் ‘வா வாத்தியாரே’ என்பது இந்த படத்தின் தலைப்பு என தகவல் வெளியாகியுள்ளது. படத்தின் தயாரிப்பாளர் ஞானவேல் ராஜா இதனை பேட்டி ஒன்றில் தெரிவித்துள்ளார். விரைவில் படத்தின் முதல் தோற்றம் வெளியாகும் என்று கூறப்படுகிறது.