மறுவெளியீட்டில் வசூலை குவித்த வாரணம் ஆயிரம்… பிளாக்பஸ்டர் ஹிட்…

சூர்யாவின் வாரணம் ஆயிரம் திரைப்படம் மறுவெளியீடு செய்யப்பட்ட நிலையில், இதுவரை இல்லாத வகையில் சுமார் ஒரு கோடி ரூபாய் வசூல் ஈட்டி உள்ளது.

தமிழில் கௌதம் வாசுதேவ் மேனன் இயக்கத்தில் சூர்யா நடிப்பில் கடந்த 2008-ம் ஆண்டு வெளியான திரைப்படம் வாரணம் ஆயிரம். சமீரா ரெட்டி, சிம்ரன், திவ்யா உள்ளிட்ட பலர் இப்படத்தில் முக்கிய கதாபாத்திரத்தில் நடித்திருந்தனர். தந்தை, மகன் இடையேயான பாசத்தை காட்டும் இத்திரைப்படம் வெளியாகி இளைஞர்கள் மத்தியில் பெரிய தாக்கத்தை ஏற்படுத்தியது. அந்தப் படத்தில் சூர்யா இளைஞராக, ராணுவ வீரராகவும் வயதான அப்பாவாகவும் என பல்வேறு கதாபாத்திரங்களில் தோன்றி தேர்ந்த நடிப்பை வெளிப்படுத்தி இருந்தார். படத்தில் ஹாரிஸ் ஜெயராஜின் அனைத்து பாடல்களும் சூப்பர் ஹிட் ஆகியிருந்தன. படத்தின் பாடல் இப்போது வரை ரசிகர்களால் கொண்டாடப்பட்டு வருகின்றன.

இத்திரைப்படம் தெலுங்கு ரசிகர்களின் கோரிக்கைக்கு இணங்க சூர்யா சன் ஆப் கிருஷ்ணன் என்ற பெயரில் தெலுங்கிலும் ரீமேக் செய்யப்பட்டு வெளியிடப்பட்டது. படம் வெளியான அனைத்து தியேட்டர்களிலும் ரசிகர்களின் கூட்டம் அலைமோதியது. தெலுங்கிலும் இத்திரைப்படம் மாபெரும் வெற்றி பெற்றது.

இந்நிலையில், இத்திரைபப்டம் கடந்த டிசம்பர் மாதம் ரி ரிலீஸ் செய்யப்பட்டது. படம் மறுவெளியீடு செய்யப்பட்டிருந்தாலும், வசூலைக் குவித்து சாதனை படைத்தது. இதுவரை இல்லாத வகையில் சுமார் ஒரு கோடி ரூபாய் வசூல் ஈட்டி உள்ளது. தமிழகம் மட்டுமன்றி கர்நாடகாவிலும் படம் நல்ல வரவேற்பை பெற்றது.