நீண்ட இழுபறிக்கு பின் வெளியானது பைரவா ஆந்தம்

தெலுங்கு நடிகர் பிரபாஸ் நடிப்பில் உருவாகி இருக்கும் புதிய திரைப்படம் கல்கி 2898ஏடி. இத்திரைப்படத்தை பிரபல இயக்குநர் நாக் அக்ஸின் இயக்கி இருக்கிறார். இவர் தெலுங்கில் நடிகையர் திலகம் என்ற பிரம்மாண்ட திரைப்படத்தை இயக்கி பிரபலம் அடைந்தார். இத்திரைப்படத்தின் மூலம் அவருக்கு தேசிய அளவில் விருதுகள் கிடைத்தன. இத்திரைப்படத்தின் வெற்றியைத் தொடர்ந்து நாக் அஸ்வின் இயக்கத்தில் உருவாகி இருக்கும் புதிய திரைப்படம் தான் கல்கி.

இத்திரைப்படத்தில் கமல்ஹாசன், அமிதாப் பச்சன், தீபிகா படுகோன், திஷா பதானி ஆகியோர் முக்கிய கதாபாத்திரங்களில் நடித்திருந்தனர். இதில் கமல்ஹாசன் வில்லன் கதாபாத்திரத்தில் நடித்திருக்கிறார். வை ஜெயந்தி மூவிஸ் நிறுவனம் இந்த படத்தை தயாரிக்கிறது. சந்தோஷ் நாராயணன் படத்திற்கு இசை அமைத்திருக்கிறார். இத்திரைப்படத்தின் பின்னணி பணிகள் விறுவிறுப்பாக நடைபெற்று வருகிறது.சயின்ஸ் பிக்சன் கதைக்களத்தில் இத்திரைப்படம் உருவாகி இருக்கிறது.

படத்தில் நாயகனாக நடித்துள்ள பிரபாஸ் கதாபாத்திரத்திற்கு உதவும் நண்பராக புஜ்ஜி என்ற ரோபோ கார் இத்திரைப்படத்தில் பயன்படுத்தப்பட்டுள்ளது. இந்நிலையில், இத்திரைப்படத்திலிருந்து முதல் பாடல் பைரவா ஆந்தம் தற்போது வெளியாகி இருக்கிறது. நேற்றே வெளியாகும் என்று கூறப்பட்ட நிலையில், தொடர்ந்து தள்ளிச்சென்று தற்போது பாடலை படக்குழு வெளியிட்டது. இது இணையத்தில் டிரெண்டாகி வருகிறது.