ரிலீஸ் தேதியை லாக் செய்த ‘ஃப்ரீடம்’ படக்குழு!

ஃப்ரீடம் படத்தின் ரிலீஸ் தேதி அறிவிக்கப்பட்டுள்ளது.

தமிழ் சினிமாவில் முக்கியமான நடிகர்களில் ஒருவராக வலம் வரும் சசிகுமார் தற்போது அடுத்தடுத்த படங்களில் பிசியாக நடித்து வருகிறார். அந்த வகையில் சமீபத்தில் இவரது நடிப்பில் டூரிஸ்ட் ஃபேமிலி திரைப்படம் வெளியாகி ஏகபோக வரவேற்பை பெற்று வருகிறது. இது தவிர எவிடென்ஸ், மை லார்ட் ஆகிய படங்களை கைவசம் வைத்துள்ளார். மேலும் இவர், ஃப்ரீடம் எனும் திரைப்படத்திலும் நடித்திருக்கிறார். இந்த படத்தில் சசிகுமார் உடன் இணைந்து லிஜோமோல் ஜோஸ் முக்கிய கதாபாத்திரத்தில் நடித்திருக்கிறார். இந்த படமானது உண்மை சம்பவத்தை மையமாக வைத்து எடுக்கப்பட்டுள்ளது. இப்படத்தை சத்யசிவா எழுதி, இயக்கியுள்ளார். விஜய கணபதி பிக்சர்ஸ் நிறுவனம் இந்த படத்தை தயாரிக்க ஜிப்ரான் இதற்கு இசையமைத்துள்ளார். உதயகுமார் இந்த படத்தின் ஒளிப்பதிவு பணிகளை மேற்கொண்டுள்ளார். ஏற்கனவே படத்தின் படப்பிடிப்புகள் முழுவதும் நிறைவடைந்த நிலையில் படத்திலிருந்து அடுத்தடுத்த போஸ்டர்கள் வெளியாகி ரசிகர்களை கவர்ந்தது. அதேசமயம் சில மாதங்களுக்கு முன்னர் இந்த படத்தில் இருந்து வெளியான கிளிம்ப்ஸ் வீடியோ படத்தின் மீதான எதிர்பார்ப்பை அதிகப்படுத்தியது. இந்நிலையில் இப்படம் 2025 ஜூலை 10ஆம் தேதி தமிழ், தெலுங்கு, மலையாளம், கன்னடம், இந்தி ஆகிய மொழிகளில் உலகம் முழுவதும் திரைக்கு வரும் என அதிகாரப்பூர்வமாக அறிவிக்கப்பட்டுள்ளது.