போட்றா வெடிய…. விஜயின் ‘ஜனநாயகன்’ பட ரிலீஸ் தேதி வந்தாச்சு!

விஜயின் ஜனநாயகன் பட ரிலீஸ் தேதி குறித்த அறிவிப்பு வெளியாகி உள்ளது.ஹெச். வினோத் இயக்கத்தில் விஜய் நடித்துவரும் திரைப்படம் தான் ஜனநாயகன். இந்த படம் விஜயின் 69 வது படமாகும். இதனை கேவிஎன் ப்ரொடக்ஷன்ஸ் நிறுவனம் தயாரிக்க அனிருத் இதற்கு இசையமைக்கிறார். சத்யன் சூரியன் இந்த படத்தின் ஒளிப்பதிவாளராக பணியாற்றுகிறார். இப்படத்தில் விஜயுடன் இணைந்து பாபி தியோல், பூஜா ஹெக்டே, மமிதா பைஜு மற்றும் பலர் நடிக்கின்றனர். இந்த படத்தின் படப்பிடிப்பு ஏற்கனவே தொடங்கப்பட்டு விறுவிறுப்பாக நடைபெற்று வருகிறது. இன்னும் ஒரு மாதத்திற்குள் ஒட்டுமொத்த படப்பிடிப்பும் நிறைவடைந்து விடும் என சொல்லப்படுகிறது. இதற்கிடையில் இந்த படம் தொடர்பாக வெளிவரும் ஒவ்வொரு தகவல்களையும் ரசிகர்கள் வெகு விமர்சையாக கொண்டாடி வருகின்றனர். அந்த வகையில் இந்த படம் அரசியல் கதைக்களம் என்றும் விஜய் ரசிகர்களுக்கு இந்த படம் தரமான விருந்து படைக்கும் என்றும் சொல்லப்படுகிறது. அதிலும் இந்த படம் விஜயின் கடைசி படம் என்பதால் இந்த படத்தை கொண்டாடி தீர்க்க ரசிகர்கள் மிகுந்த ஆர்வத்துடன் காத்துக்கொண்டிருக்கின்றனர். இந்நிலையில் இந்த படத்தின் ரிலீஸ் தேதியை படக்குழு வெளியிட்டுள்ளது. அதாவது ஏற்கனவே 2025 அக்டோபரில் திரைக்கு வரும் என எதிர்பார்க்கப்பட்ட ஜனநாயகன் திரைப்படம் 2026 ஜனவரி மாதத்திற்கு ஒத்திவைக்கப்பட்டிருக்கிறது. அதன்படி 2026 ஜனவரி மாதம் 9ம் தேதி இப்படம் உலகம் முழுவதும் ரிலீஸாகும் என அறிவிக்கப்பட்டுள்ளது. இந்த தகவல் ரசிகர்களுக்கு இன்ப அதிர்ச்சியை ஏற்படுத்தி உள்ளது.