தொடர் மழை காரணமாக சென்னையில் இன்று பள்ளிகளுக்கு மட்டும் விடுமுறை அறிவிக்கப்பட்டுள்ளது
வங்கக்கடலில் நிலவி வரும் காற்றழுத்த தாழ்வு பகுதி காரணமாக சென்னை, திருவள்ளுர், காஞ்சிபுரம், செங்கல்பட்டு மாவட்டங்களில் நேற்று இரவு முதல் தொடர் மழை பெய்து வருகிறது. சென்னையில் அதிகபட்சமாக மடிப்பாக்கத்தில் 6 சென்டி மீட்டர் மழை பதிவாகியுள்ளது. இதேபோல், பெருங்குடி, ஆலந்துரில் தலா 4 செ.மீ மழை பதிவாகியுள்ளது.
இந்த நிலையில், சென்னை, திருவள்ளூர், செங்கல்பட்டு, காஞ்சிபுரம் ஆகிய 4 மாவட்டங்களில் காலை 10 மணி வரை மழை நீடிக்க என சென்னை வானிலை மையம் அறிவித்துள்ளது. இதன் காரணமாக சென்னையில் இன்று பள்ளிகளுக்கு மட்டும் விடுமுறை அளித்து, மாவட்ட ஆட்சியர் ரஷ்மி சித்தார்த் ஜகடே அறிவித்துள்ளார்.
அதேவேளையில், திருவள்ளுர், செங்கல்பட்டு மாவட்டங்களில் இன்று பள்ளி, கல்லூரிகள் வழக்கம் போல் செயல்படும் என மாவட்ட ஆட்சியர்கள் அறிவித்துள்ளனர்.