கடந்த 2003ஆம் ஆண்டிலிருந்து ஒவ்வொரு வருடமும் சென்னை சர்வதேச திரைப்பட விழா நடைபெற்று வருகிறது. அந்த வகையில் கடந்த 14ஆம் தேதி 21வது சென்னை சர்வதேச திரைப்பட விழா தொடங்கியது. மேலும் இந்த விழாவின் நிறைவு விழா நேற்று டிசம்பர் 21 இல் நடைபெற்றது. இவ்விழாவில் சர்வதேச அளவிலும், இந்திய அளவிலும் பல சிறந்த திரைப்படங்கள் தேர்வு செய்யப்பட்டு திரையிடப்பட்டன. உலக சினிமா பிரிவின் கீழ் விருதுகள் வழங்கப்பட்டது. அந்த வகையில் 57 நாடுகளைச் சேர்ந்த 126 படங்கள் திரையிடப்பட்டன. அதில் 12 சிறந்த தமிழ் படங்கள் திரையிடப்பட்டது. அதன்படி அயோத்தி, மாமன்னன், போர் தொழில், செம்பி, இராவணக்கோட்டம், அநீதி போன்ற படங்கள் திரையிடப்பட்டது. இந்த படங்களில் மந்திரமூர்த்தி இயக்கத்தில் சசிகுமார் நடித்து வெளியான அயோத்தி திரைப்படம் சிறந்த படமாக தேர்வு செய்யப்பட்டது. 
அதைத் தொடர்ந்து இரண்டாவது சிறந்த படமாக உடன்பால் திரைப்படம் தேர்வு செய்யப்பட்டது. விடுதலை முதல் பாகத்திற்காக வெற்றிமாறனுக்கு சிறப்பு ஜூரி விருது அறிவிக்கப்பட்டது. மாமன்னன் படத்திற்காக வடிவேலுக்கு சிறந்த நடிகருக்கான விருது கொடுக்கப்பட்டது. சிறந்த நடிகைக்காக அயோத்தி பட ப்ரீத்தி அஸ்ரானிக்கு கொடுக்கப்பட்டது. ஊர் தொழில் பட ஒலிப்பதிவாளர் கலைச்செல்வன் சிவாஜி மற்றும் போர்தொழில் பட எடிட்டர் ஸ்ரீஜித் சாரங் ஆகியோர் சிறந்த ஒளிப்பதிவாளராகவும் எடிட்டர் ஆகவும் தேர்வு செய்யப்பட்டனர். மேலும் பகவத் இயக்கிய லாஸ்ட் ஹார்ட் சிறந்த குறும்படமாக தேர்ந்தெடுக்கப்பட்டது.
2023 ஆம் ஆண்டின் சிறந்த படமாக தேர்வு செய்யப்பட்ட அயோத்தி படை இயக்குனர் மற்றும் தயாரிப்பாளருக்கு தலா 1 லட்சம் வழங்கப்பட்ட நிலையில் சிறந்த நடிகர் காக வடிவேலு மற்றும் ப்ரீத்தி ஆசீர்வதிக்கு தலா ₹50000 வழங்கப்பட்டது.