கடந்த 2004 ஆம் ஆண்டு 7ஜி ரெயின்போ காலனி என்ற திரைப்படம் மிகப்பெரிய அளவில் வெற்றி பெற்றது. இந்த படத்தை காதல் கொண்டேன், ஆயிரத்தில் ஒருவன் மயக்கம் என்ன புதுப்பேட்டை உள்ளிட்ட படங்களை இயக்கிய செல்வராகவன் இயக்கி இருந்தார். தீராக்காதலை விவரிக்க கூடிய இந்த படம் 90ஸ் கிட்ஸ்களுக்கு மத்தியில் நல்ல வரவேற்பை பெற்றது.
இதன் வெற்றிக்குப் பிறகு 7 ஜி ரெயின்போ காலனி இரண்டாம் பாகத்தினை இயக்குனர் செல்வராகவன் இயக்க இருப்பதாக ஏற்கனவே செய்திகள் வெளியாகி இருந்தது. படத்திற்கு இசையை யுவன் சங்கர் ராஜா இசை அமைக்க இருப்பதாக தெரியவந்துள்ளது.
சமீபத்தில் கூட இந்த படத்தின் கதாநாயகனாக ரவி கிருஷ்ணா நடிப்பதாகவும் கூறப்பட்டது. மேலும் இதன் படப்பிடிப்பு ஆகஸ்ட் 10ஆம் தேதி தொடங்க இருப்பதாக தகவல்கள் கசிந்திருந்தன.
ஆனால் தற்போது 7 ஜி ரெயின்போ காலனி 2 படப்பிடிப்பு ஆகஸ்ட் கடைசி வாரத்தில் தொடங்கும் என்று புதிய தகவல் வெளியாகி உள்ளது.
அதுமட்டுமில்லாமல் இந்த படத்தின் கதாநாயகியாக நடிப்பதற்கு அதிதி சங்கர் மற்றும் இவானாவிடம் பேச்சுவார்த்தை நடைபெற்று வருவதாகவும் தற்போதைய தகவல்கள் தெரிவிக்கின்றன.