மலையாள நட்சத்திரத்துடன் இணையும் சமந்தா?

மலையாள சூப்பர் ஸ்டாராக கொண்டாடப்படும் நடிகர் மம்மூட்டியுடன் இணைந்து சமந்தா எடுத்துக் கொண்ட புகைப்படம் இணையத்தில் வைரலாகி வரும் நிலையில், ரசிகர்கள் கேள்வி எழுப்பி வருகின்றனர்.

சென்னை பல்லாவரத்தில் பிறந்து இன்று ஒட்டுமொத்த இந்தியா முழுவதும் தன் பெயரையும், புகழையும் நிலை நாட்டி தனக்கென தனி ரசிகர் பட்டாளத்தை கொண்டிருக்கும் முன்னணி நடிகை சமந்தா. அடுத்தடுத்து படங்களில் அவர் நடிக்காவிட்டாலும், அவருக்கு இருக்கும் ரசிகர்கள் பட்டாளம் ஏராளம். அவர் அறிமுகமாகி நடித்தது தமிழாக இருந்தாலும், இன்று அவர்கோலிவுட் நடிகையாக மட்டுமன்றி இந்திய அளவில் ஹிட் நடிகையாக உருவெடுத்துள்ளார். விஜய், சூர்யா, மகேஷ் பாபு, சிவகார்த்திகேயன், விஜய் சேதுபதி, ஜூனியர் என்டிஆர் என முன்னணி நடிகர்களுடன் இணைந்து நடித்திருக்கிறார்.

தற்போது சிட்டாடெல் இந்தியா படத்தின் பணிகளில் சமந்தா ஈடுபட்டுள்ளார். அண்மையில் பாட்காஸ்ட் சேனல் ஒன்றை சமந்தா தொடங்கி இருக்கிறார். பல நடிகைகள் யூ டியூப் சேனல், அழகு சாதன தொழிலில் ஆர்வம் செலுத்தும் சமயம், சமந்தா மட்டும் உடல்நலம் சார்ந்த தகவல்களை இதன் மூலம் வெளிப்படுத்த உள்ளார்.

இந்நிலையில், பிரபல மலையாள சூப்பர் ஸ்டார் மம்மூட்டியுடன் அவர் இணைந்து எடுத்துக் கொண்ட புகைப்படம் இணையத்தில் வைரலாகி வரும் நிலையில், புதிய படத்தின் அப்டேட்டா என ரசிகர்கள் கேள்வி எழுப்பி வருகின்றனர். ஆனால், விளம்பர படம் ஒன்றின் படப்பிடிப்புக்காக இருவரும் இணைந்து புகைப்படம் எடுத்திருக்கின்றனர். விரைவில் மலையாளத்திலும் சமந்தா நடிக்க ரசிகர்கள் வாழ்த்து கூறி வருகின்றனர்.