அர்ஜுன், ஐஸ்வர்யா ராஜேஷின் தீயவர் குலை நடுங்க படத்தின் முக்கிய அறிவிப்பு வெளியாகி உள்ளது.
ஆக்சன் கிங் என்று ரசிகர்களால் கொண்டாடப்படுபவர் அர்ஜுன். இவர் தற்போது அடுத்தடுத்த படங்களில் முன்னணி நடிகர்களுடன் இணைந்து முக்கிய கதாபாத்திரத்தில் நடித்து வருகிறார். அந்த வகையில் இவர், நடிகை ஐஸ்வர்யா ராஜேஷ் உடன் இணைந்து புதிய படம் ஒன்றில் நடித்திருக்கிறார். இந்த படத்திற்கு தீயவர் குலை நடுங்க என்று தலைப்பு வைக்கப்பட்டுள்ளது. இந்த படத்தில் ஜி.கே. ரெட்டி, லோகு, ராம்குமார், தங்கதுரை, பிக் பாஸ் அபிராமி மற்றும் பலர் நடித்துள்ளனர். தினேஷ் லட்சுமணன் இதனை எழுதி இயக்கியிருக்கிறார். ஜி.எஸ். ஆர்ட்ஸ் நிறுவனமும், சன் மூன் யுனிவர்ஸல் பிக்சர்ஸ் நிறுவனமும் இணைந்து தயாரித்துள்ளது. பரத் ஆசிவகன் இதற்கு இசையமைக்க சரவணன் அபிமன்யு ஒளிப்பதிவு பணிகளை கவனித்துள்ளார். 
விறுவிறுப்பான திரில்லர் கதையில் உருவாகியுள்ள இந்த படத்தின் படப்பிடிப்புகள் ஏற்கனவே நிறைவடைந்து பல நாட்களாக கிடப்பில் போடப்பட்டிருந்தது. இந்நிலையில் இந்த படம் வருகின்ற நவம்பர் 21ஆம் தேதி வெளியாகும் என அறிவிக்கப்பட்டிருக்கிறது. அதேசமயம் இப்படத்தின் டிரைலர் இன்று (நவம்பர் 13) மாலை 6 மணி அளவில் வெளியாகும் என படக்குழு புதிய போஸ்டர் ஒன்றை வெளியிட்டு அறிவித்துள்ளது.