spot_imgspot_imgspot_imgspot_img
Homeசெய்திகள்சினிமாஅருள்நிதி நடிக்கும் 'டிமான்ட்டி காலனி 2' படத்தின் இரண்டாவது பாடல் வெளியானது!

அருள்நிதி நடிக்கும் ‘டிமான்ட்டி காலனி 2’ படத்தின் இரண்டாவது பாடல் வெளியானது!

-

- Advertisement -

அருள்நிதி நடித்துள்ள டிமான்ட்டி காலனி 2 படத்தின் இரண்டாவது பாடல் வெளியாகி உள்ளது.அருள்நிதி நடிக்கும் 'டிமான்ட்டி காலனி 2' படத்தின் இரண்டாவது பாடல் வெளியானது!

தமிழ் சினிமாவில் முன்னணி நடிகர்களில் ஒருவராக வலம் வரும் அருள்நிதி கடந்த 2018 ஆம் ஆண்டு அஜய் ஞானமுத்து இயக்கத்தில் டிமான்ட்டி காலனி திரைப்படத்தில் நடித்திருந்தார். ஹாரர் திரில்லர் கதைக்களத்தில் வெளியான இந்த படம் ரசிகர்கள் மத்தியில் நல்ல வரவேற்பை பெற்றது. அதைத் தொடர்ந்து பல வருடங்கள் கழித்து அருள்நிதி, அஜய் ஞானமுத்து கூட்டணியில் டிமான்ட்டி காலனி 2 திரைப்படம் உருவாகியுள்ளது. இந்த படத்தை பி டி ஜி யுனிவர்சல் நிறுவனம் தயாரித்துள்ள நிலையில் ஹரிஷ் கண்ணன் ஒளிப்பதிவு செய்து இருக்கிறார். சாம் சி எஸ் படத்திற்கு இசையமைத்துள்ளார். இந்த படத்தில் அருள் நிதியுடன் இணைந்து பிரியா பவானி சங்கர், அருண் பாண்டியன், மீனாட்சி சௌந்தராஜன், வி ஜே அர்ச்சனா உள்ளிட்ட பலரும் முக்கிய கதாபாத்திரங்களில் நடித்துள்ளனர். ஏற்கனவே இந்த படத்தின் படப்பிடிப்புகள் நிறைவடைந்து தற்போது பின்னணி வேலைகள் பரபரப்பாக நடைபெற்று வருகிறது.

we-r-hiring

இதற்கிடையில் படத்தின் பர்ஸ்ட் லுக் போஸ்டரும் அதைத் தொடர்ந்து ட்ரெய்லர் மற்றும் முதல் பாடல் வெளியிடப்பட்டது. சமீபத்தில் கூட இதன் ரிலீஸ் ட்ரெய்லர் வெளியாகி படத்தின் மீதான எதிர்பார்ப்பை அதிகப்படுத்தியது. இந்நிலையில் இந்த படத்தின் நொடிகளே எனும் இரண்டாவது பாடல் வெளியாகி ரசிகர்களின் கவனம் பெற்று வருகிறது. மேலும் இந்த படமானது வருகின்ற ஆகஸ்ட் 15ஆம் தேதி திரைக்கு வர முழு வீச்சில் தயாராகி வருகிறது என்பது குறிப்பிடத்தக்கது.

MUST READ