சிரஞ்சீவி நடிக்கும் விஷ்வம்பரா படத்தின் ஃபர்ஸ்ட் லுக் போஸ்டர் வெளியாகி உள்ளது.
மெகா ஸ்டார் என்று ரசிகர்களால் கொண்டாடப்படுபவர் சிரஞ்சீவி. இவர் தெலுங்கில் மட்டுமல்லாமல் தமிழிலும் ஏராளமான ரசிகர்களை சேகரித்து வைத்துள்ளார். இவர்தன் நடிப்பில் கடைசியாக போலா சங்கர் எனும் திரைப்படம் வெளியாகி கலவையான விமர்சனங்களை பெற்றது. அதைத் தொடர்ந்து சிரஞ்சீவி தனது 156 ஆவது திரைப்படத்தில் நடித்து வருகிறார். இந்தப் படத்திற்கு விஷ்வம்பரா என்ற தலைப்பு வைக்கப்பட்டுள்ளது. இதனை பிம்பிசாரா படத்தின் இயக்குனர் வம்சி பிரமோத் வசிஷ்டா இயக்கி வருகிறார். இதில் சிரஞ்சீவி உடன் இணைந்து நடிகை திரிஷா முக்கிய கதாபாத்திரத்தில் நடிக்கிறார். மேலும் இவர்களுடன் இணைந்து ஆஷிகா ரங்கநாத் மற்றும் மீனாட்சி சௌத்ரி ஆகியோரும் நடிக்கின்றனர். 
இந்தப் படத்தை யூ வி கிரியேஷூஸ் நிறுவனம் மிகவும் பிரம்மாண்டமாக தயாரிக்கிறது. எம் எம் கீரவாணி என்ற படத்திற்கு இசையமைக்கிறார். படத்தின் படப்பிடிப்புகள் விறுவிறுப்பாக நடைபெற்று வருகிறது. இந்நிலையில் சிரஞ்சீவியின் 69 ஆவது பிறந்தநாளான இன்று (ஆகஸ்ட் 22) அவருக்கு வாழ்த்து தெரிவிக்கும் விதமாக விஷ்வம்பரா படத்தின் ஃபர்ஸ்ட் லுக் போஸ்டரை பட குழுவினர் வெளியிட்டுள்ளனர். இந்த போஸ்டர் இணையத்தில் வைரலாகி வருகிறது. மேலும் அந்த போஸ்டரில் இந்த படம் 2025 ஜனவரி 10ஆம் தேதி வெளியாகும் என்று குறிப்பிடப்பட்டுள்ளது.