ஓடிடிக்கு வரும் ஹரிஷ் கல்யாணின் ‘லப்பர் பந்து’!

லப்பர் பந்து படத்தின் ஓடிடி ரிலீஸ் குறித்த அறிவிப்பு வெளியாகி உள்ளது.ஹரிஷ் கல்யாண் நடிப்பில் உருவாகி இருந்தால் லப்பர் பந்து திரைப்படம் கடந்த செப்டம்பர் 20ஆம் தேதி திரைக்கு கொண்டுவரப்பட்டது. இந்த படத்தில் ஹரிஷ் கல்யாணுடன் இணைந்து அட்டக்கத்தி தினேஷ் முன்னணி கதாபாத்திரத்தில் நடித்திருந்தார். மேலும் சுவாசிகா, சஞ்சனா கிருஷ்ணமூர்த்தி, பால சரவணன், காளி வெங்கட் உள்ளிட்ட பலரும் நடித்திருந்தனர். தமிழரசன் பச்சமுத்து இயக்கியிருந்த இந்த படத்தினை பிரின்ஸ் பிக்சர்ஸ் நிறுவனம் தயாரித்திருந்தது. ஷான் ரோல்டன் இதற்கு இசை அமைத்திருந்தார். கிரிக்கெட் சம்பந்தமான கதைக்களத்தில் இந்த படம் வெளியாகி இருந்தது. அதேசமயம் படத்தில் விஜயகாந்தின் தீவிர ரசிகனாக அட்டகத்தி தினேஷும் விஜயின் தீவிர ரசிகனாக ஹரிஷ் கல்யாணும் நடித்திருந்தனர். கிரிக்கெட் விளையாட்டில் இருவருக்கும் இடையிலான ஈகோ கிளாஸ் தான் படத்தின் கதை. இந்த படம் ரசிகர்கள் மத்தியில் ஏகோபித்த வரவேற்பை பெற்று வசூல் ரீதியாகவும் வெற்றி பெற்றுள்ளது. அந்த வகையில் 25 நாட்களைக் கடந்து திரையரங்குகளில் வெற்றிகரமாக வெற்றி நடை போட்டுக் கொண்டிருக்கிறது லப்பர் பந்து.
இந்நிலையில் இந்த படம் வருகின்ற அக்டோபர் 18-ஆம் தேதி டிஸ்னி பிளஸ் ஹாட் ஸ்டாரில் இந்தியாவிலும் சிம்ப்ளி சௌத் ஓடிடி தளத்தில் மற்ற நாடுகளிலும் வெளியாக இருக்கிறது. இது தொடர்பான அதிகாரப்பூர்வ அறிவிப்பும் வெளியிடப்பட்டுள்ளது.