ஜேசன் சஞ்சய் இயக்கும் படத்தின் ஃபர்ஸ்ட் லுக் குறித்த அப்டேட் வெளியாகியுள்ளது.
தளபதி என்று ரசிகர்களால் கொண்டாடப்படும் விஜயின் மகன் ஜேசன் சஞ்சய் தமிழ் சினிமாவில் இயக்குனராக அறிமுகமாகியுள்ளார். இவர் இயக்கும் முதல் படத்தை லைக்கா ப்ரோடக்ஷன்ஸ் நிறுவனம் தயாரிக்கிறது. சந்தீப் கிஷன் இதில் கதாநாயகனாக நடிக்கிறார். தமன் இந்த படத்திற்கு இசையமைக்கிறார். 
தமிழ் மற்றும் தெலுங்கு ஆகிய மொழிகளில் உருவாகும் இந்த படம் தொடர்பான அதிகாரப்பூர்வ அறிவிப்பு ஏற்கனவே வெளியாகி ரசிகர்கள் மத்தியில் எதிர்பார்ப்பை ஏற்படுத்தியது. அதன் பின்னர் இதன் படப்பிடிப்புகளும் தொடங்கி பல கட்டங்களாக நடைபெற்று வருகிறது. தற்போது ஏறத்தாழ இதன் படப்பிடிப்பு நிறைவடைந்துள்ளதாக சொல்லப்படுகிறது. இந்நிலையில் இந்த படத்தின் ஃபர்ஸ்ட் லுக் குறித்த அப்டேட் வெளியாகியுள்ளது. அதன்படி இந்த படத்தின் ஃபர்ஸ்ட் லுக் போஸ்டரை டைட்டிலுடன் வெளியிட படக்குழு திட்டமிட்டு இருப்பதாகவும், இந்த ஃபர்ஸ்ட் லுக் இந்த மாதம் வெளியாகும் எனவும் தற்போதைய தகவல்கள் தெரிவிக்கின்றன. இனிவரும் நாட்களில் இது தொடர்பான அதிகாரப்பூர்வ அறிவிப்பு வெளியாகும் என நம்பப்படுகிறது.
இது தவிர இந்த படத்திற்கு ஆங்கில தலைப்பு வைக்க வாய்ப்புள்ளதாக கூறப்படுகிறது. மேலும் இந்த படத்தை அடுத்த ஆண்டு ஜனவரி மாதத்திற்கு பிறகு மார்ச் மாதத்திற்குள் திரைக்கு கொண்டுவர ஏற்பாடுகள் நடைபெற்று வருவதாகவும் சினிமா வட்டாரங்கள் தெரிவிக்கின்றன.