கார்த்தியின் ‘சர்தார் 2‘ படப்பிடிப்பு சென்னையில் நடைபெறுவதாக தகவல் வெளியாகியிருக்கிறது.
நடிகர் கார்த்தி கடைசியாக மெய்யழகன் எனும் திரைப்படத்தில் நடித்திருந்தார். கார்த்தியின் 27 ஆவது படமாக உருவாகியிருந்த இந்த படம் கடந்த செப்டம்பர் 27ஆம் தேதி வெளியாகி ரசிகர்கள் மத்தியில் ஏகோபித்த வரவேற்பை பெற்று மாபெரும் வெற்றி படமாக அமைந்தது. அதே சமயம் நடிகர் கார்த்தி வா வாத்தியார் போன்ற படங்களை கைவசம் வைத்துள்ளார். இந்நிலையில் சர்தார் 2 எனும் திரைப்படத்திலும் நடித்து வருகிறார் கார்த்தி. இந்த படத்தினை பிஎஸ் மித்ரன் இயக்கி வருகிறார். கடந்த 2022 ஆம் ஆண்டு வெளியான சர்தார் படம் மிகப்பெரிய வெற்றி பெற்ற நிலையில் சர்தார் 2 படத்தின் மீதான எதிர்பார்ப்பும் மிகப்பெரிய அளவில் இருந்து வருகிறது. இந்த படத்தை பிரின்ஸ் பிக்சர்ஸ் நிறுவனம் தயாரிக்க யுவன் சங்கர் ராஜா இதற்கு இசையமைக்கிறார். இதில் எஸ் ஜே சூர்யா மெயின் வில்லனாக நடிக்கிறார். 
மேலும் மாளவிகா மோகனன், ஆஷிகா ரங்கநாத், ரஜிஷா விஜயன் உள்ளிட்ட பலரும் முக்கிய கதாபாத்திரங்களில் நடித்து வருகின்றனர். இந்த படத்தின் படப்பிடிப்புகள் ஏற்கனவே தொடங்கப்பட்டு தலக்கோணம் போன்ற பகுதிகளில் விறுவிறுப்பாக நடைபெற்று வந்தது. தற்போது இதன் படப்பிடிப்பு சென்னையில் நடைபெற்று வருவதாக புதிய தகவல்கள் வெளியாகி இருக்கின்றன. இனிவரும் நாட்களில் படத்தின் மற்ற அப்டேட்டுகள் வெளியாகும் என நம்பப்படுகிறது.