கீர்த்தி சுரேஷின் ரகு தாத்தா… ரிலீஸ் தேதி அறிவிப்பு…

கீர்த்தி சுரேஷ் நடிப்பில் உருவாகியிருக்கும் ரகு தாத்தா திரைப்படத்தின் ரிலீஸ் தேதி அறிவிக்கப்பட்டுள்ளது.

யாஷ் நடிப்பில் கேஜிஎஃப், ரிஷப் ஷெட்டி நடிப்பில் காந்தாரா உள்ளிட்ட படங்களை தயாரித்த ஹோம்பாலே பிலிம்ஸ் நிறுவனம் நேரடியாக தமிழில் முதன்முதலாக தயாரிக்கும் திரைப்படம் ரகு தாத்தா. பெரும் வரவேற்பை பெற்ற தி ஃபேமிலி மேன் வெப் தொடருக்கு கதை எழுதிய சுமன் குமார் எழுதி இயக்கியிருக்கிறார். இதில் நடிகை கீர்த்தி சுரேஷ் முதன்மைக் கதாபாத்திரத்தில் நடித்திருக்கிறார். அவருடன் எம்.எஸ்.பாஸ்கர், தேவதர்ஷணினி, ரவீந்திர விஜய், ஆனந்த்சாமி, ராஜேஷ் பாலகிருஷ்ணன் உள்ளிட்ட பலர் முக்கிய கதாபாத்திரங்களில் நடித்திருக்கின்றனர்.

ஒய் யாமினி படத்திற்கு ஒளிப்பதிவு செய்கிறார். ஷான் ரோல்சன் படத்திற்கு இசை அமைத்துள்ளார். கதாநாயகியை மைப்படுத்தி இப்படத்தின் கதைக்களம் அமைந்துள்ளது. இப்படத்தின் படப்பிடிப்பு கடந்த ஆண்டு ஆரம்பத்தில் தொடங்கி விறுவிறுப்பாக நடைபெற்று வந்த நிலையில், கடந்த மே மாதம் மொத்த படப்பிடிப்பும் நிறைவு அடைந்தது. இதையடுத்து, பின்னணி வேலைகள் நடைபெற்று வருகின்றன.

படத்தின் முதல் தோற்றம் மற்றும் டீசர் ஏற்கனவே வெளியாகி ரசிகர்கள் மத்தியில் வரவேற்பை பெற்றது. இந்நிலையில், ரகு தாத்தா திரைப்படத்தின் ரிலீஸ் தேதி குறித்த தகவல் வெளியாகி உள்ளது. அதன்படி வரும் ஆகஸ்ட் மாதம் 15-ம் தேதி சுதந்திர தினமன்று ரகு தாத்தா திரைப்படம் வெளியாகும் என்று படக்குழு அதிகாரப்பூர்வமாக அறிவித்துள்ளது.