காஞ்சனா 4 படத்தின் லேட்டஸ்ட் அப்டேட் வெளியாகி உள்ளது.
தமிழ் சினிமாவில் ராகவா லாரன்ஸ் ஒரு நடிகராக மட்டுமல்லாமல், இயக்குனராகவும், தயாரிப்பாளராகவும், நடன இயக்குனராகவும் வலம் வருகிறார். இவர் தற்போது ‘பென்ஸ்’, ‘கால பைரவா’ போன்ற படங்களை கைவசம் வைத்திருக்கிறார். இதற்கிடையில் இவர், காஞ்சனா 4 படத்தையும் இயக்கி வருகிறார். ஏற்கனவே இவரது இயக்கத்தில் வெளியான முனி, காஞ்சனா 1,2 மற்றும் 3 ஆகிய படங்கள் காமெடி கலந்த ஹாரர் ஜானரில் வெளியாகி ரசிகர்களை கவர்ந்தது. எனவே அடுத்தபடியாக இவர் இயக்கி வரும் ‘காஞ்சனா 4’ படத்தின் மீதான எதிர்பார்ப்பும் மிகப்பெரிய அளவில் இருந்து வருகிறது. மேலும் முனி, காஞ்சனா ஆகிய படங்களை போல் இந்தப் படத்திலும் ராகவா லாரன்ஸ் கதாநாயகனாக நடிக்கிறார் என்பதும் இப்படத்தை அவரே தயாரிக்கிறார் என்பதும் குறிப்பிடத்தக்கது. இந்த படத்தில் பூஜா ஹெக்டே, ராஷ்மிகா, நோரா ஃபதேஹி, ரெடின் கிங்ஸ்லி ஆகியோர் முக்கிய கதாபாத்திரங்களில் நடித்து வருவதாக சொல்லப்படுகிறது. 
இந்த படத்தின் படப்பிடிப்பு கடந்த சில மாதங்களுக்கு முன்னரே தொடங்கி சென்னை, பொள்ளாச்சி, ஐதராபாத்தில் விறுவிறுப்பாக நடைபெற்று வந்ததாக சொல்லப்படுகிறது. சமீபத்தில் பாண்டிச்சேரியில் நடைபெற்ற இந்த படத்தின் படப்பிடிப்பு நிறைவடைந்ததாக புதிய தகவல்கள் தெரிவிக்கின்றன. விரைவில் இதன் அடுத்த கட்ட படப்பிடிப்பு தொடங்கும் என எதிர்பார்க்கப்படுகிறது.