சூர்யா 46 படத்தின் ஷூட்டிங் குறித்த புதிய தகவல் வெளியாகியுள்ளது.
சூர்யா நடிப்பில் கடந்த மே 1ஆம் தேதி ரெட்ரோ திரைப்படம் வெளியானது. மிகுந்த எதிர்பார்ப்புடன் வெளியான இந்த படம் கலவையான விமர்சனங்களை பெற்றது. அதே சமயம் சூர்யா, ஆர்.ஜே. பாலாஜி இயக்கத்தில் தனது 45வது திரைப்படத்தில் நடித்து வருகிறார். விரைவில் இந்த படத்தின் படப்பிடிப்பு நிறைவடைந்து விடும் என சொல்லப்படுகிறது. இதற்கிடையில் வெற்றிமாறன் இயக்கத்தில் வாடிவாசல் திரைப்படத்திலும் கமிட்டாகியுள்ளார் சூர்யா. மேலும், வாத்தி, லக்கி பாஸ்கர் ஆகிய படங்களை இயக்கிய வெங்கி அட்லுரி இயக்கத்தில் தனது 46வது படத்தில் நடிக்க உள்ளார். இந்த படத்தை சித்தாரா என்டர்டெயின்மென்ட் நிறுவனம் தயாரிக்க ஜி.வி. பிரகாஷ் இதற்கு இசையமைக்க இருக்கிறார். மமிதா பைஜூ இப்படத்தில் கதாநாயகியாக நடிக்கிறார். இந்த படமானது காதல் சம்பந்தமான கதைக்களத்தில் உருவாக இருப்பதாக சொல்லப்படுகிறது. 
அடுத்தது இந்த படத்தை விரைவில் முடித்துவிட்டு அடுத்த ஆண்டு மே மாதம் 1ம் தேதி திரைக்கு கொண்டு வர படக்குழு திட்டமிட்டு வருவதாகவும் தகவல் வெளியாகி வருகின்றன. அதன்படி படப்பிடிப்பு மே மாத இறுதியில் தொடங்கும் என எதிர்பார்க்கப்பட்டது. ஆனால் தற்போது கிடைத்த தகவல் என்னவென்றால் சூர்யா, ஆர்.ஜே.பாலாஜி படத்தை முடித்த பின்னர் தான் சூர்யா 46 படம் தொடங்கும் எனவும் ஜூன் 10ஆம் தேதி ஐதராபாத்தில் இதன் படப்பிடிப்பு தொடங்க இருப்பதாகவும் தற்போதைய தகவல்கள் தெரிவிக்கின்றன. இனிவரும் நாட்களில் மற்ற அப்டேட்டுகள் வெளியாகும் என நம்பப்படுகிறது.