லோகேஷ் கனகராஜ் இயக்கும் எல்சியு குறும்படம்…. இசையமைப்பாளர் இவர்தான்!

இயக்குனர் லோகேஷ் கனகராஜ், கடந்த 2017 ஆம் ஆண்டு ஸ்ரீ, சந்தீப் கிஷன் ரெஜினா ஆகியோரின் நடிப்பில் வெளியான மாநகரம் என்ற திரைப்படத்தின் மூலம் தமிழ் சினிமாவில் இயக்குனராக காலடி எடுத்து வைத்தவர். அதைத்தொடர்ந்து இவர் இயக்கிய கைதி, மாஸ்டர், விக்ரம், லியோ ஆகிய நான்கு படங்களுமே சூப்பர் டூப்பர் ஹிட் அடித்தது. அதே சமயம் இவர் இயக்கிய கைதி, விக்ரம், லியோ போன்றவை லோகேஷ் கனகராஜின் சினிமாட்டிக் யுனிவெர்சின் கீழ் அடங்கும். அடுத்தது இதை வரிசையில் கைதி 2, விக்ரம் 2 ஆகிய படங்களை இயக்கப் போகிறார் லோகேஷ். மேலும் இவர் தற்போது சூப்பர் ஸ்டார் ரஜினிகாந்த் நடிப்பில் கூலி திரைப்படத்தை இயக்கி வருகிறார். எல் சி யு அல்லாமல் தனி படமாக உருவாகி வரும் இந்த படத்தின் படப்பிடிப்புகள் விறுவிறுப்பாக நடைபெற்று வருகிறது. அடுத்த ஆண்டு கோடை விடுமுறையில் இப்படம் வெளியாகும் என்று எதிர்பார்க்கப்படுகிறது. இந்நிலையில்தான் லோகேஷ் கனகராஜ் எல்சியு – LCU உருவான விதம் பற்றி பத்து நிமிட குறும்படமாக உருவாக்கி வருகிறார். இதற்கு சாப்டர் ஜீரோ என்ற தலைப்பு வைக்கப்பட்டுள்ளது. சமீபத்தில் தான் இதன் ஃபர்ஸ்ட் லுக் வெளியிடப்பட்டது. இந்நிலையில் இந்த குறும்படத்திற்கு இசையமைப்பாளர் அனிருத் தான் இசையமைத்துள்ளாராம். ஏற்கனவே தொடர்ந்து லோகேஷ் மற்றும் அனிருத் ஆகிய இருவரும் இணைந்து பணியாற்றி வரும் நிலையில் தற்போது சாப்டர் ஜீரோ குறும்படத்திற்கும் அனிருத் தான் இசையமைத்துள்ளார் என்கிற தகவல் ரசிகர்கள் மத்தியில் எதிர்பார்ப்பை ஏற்படுத்தி உள்ளது. அதே சமயம் இவர்கள் இருவரும் இணைந்து புதிதாக முயற்சித்துள்ளதாகவும் தற்போதைய தகவல்கள் தெரிவிக்கின்றன. எனவே விரைவில் இக்குறும்படம் வெளியாகும் என்று எதிர்பார்க்கப்படுகிறது.