முரளியின் இளைய மகன் நடிக்கும் ‘நேசிப்பாயா’….. ஃபர்ஸ்ட் லுக் குறித்த அறிவிப்பு!

மறைந்த நடிகர் முரளி தமிழ் ரசிகர்களால் புரட்சி நாயகன் என்று கொண்டாடப்பட்டவர். இவர் 80, 90 கால கட்டங்களில் பலரின் ஃபேவரைட் ஹீரோவாக திகழ்ந்தவர். இவர் கடைசியாக தனது மூத்த மகன் அதர்வாவின் நடிப்பில் வெளியான பாணா காத்தாடி திரைப்படத்தில் கேமியா ரோலில் நடித்திருந்தார். தற்போது இவரின் மூத்த மகன் அதர்வா பல படங்களில் பிஸியாக நடித்து வருகிறார். மேலும் முரளிக்கு அதர்வா மட்டுமில்லாமல் ஆகாஷ் முரளி என்ற இளைய மகன் ஒருவரும் இருக்கிறார். இவர் தற்போது நேசிப்பாயா எனும் திரைப்படத்தில் ஹீரோவாக அறிமுகமாகியுள்ளார். இந்த படத்தை அறிந்தும் அறியாமலும், பில்லா, ஆரம்பம் உள்ளிட்ட படங்களை இயக்கிய இயக்குனர் விஷ்ணு வரதன் இயக்கியுள்ளார். எக்ஸ்பி பிலிம் கிரியேட்டர்
நிறுவனம் இந்த படத்தை தயாரிக்க யுவன் சங்கர் ராஜா படத்திற்கு இசையமைத்துள்ளார். இந்த படத்தில் ஆகாஷ் முரளிக்கு ஜோடியாக இயக்குனர் சங்கரின் மகள் அதிதி சங்கர் நடித்துள்ளார். இந்த படத்தின் படப்பிடிப்பு ஏற்கனவே நிறைவடைந்த நிலையில் தற்போது தயாரிப்பு பணிகள் நடைபெற்று வருகின்றன. சமீபத்தில் இந்த படத்தின் டைட்டிலை இயக்குனர் விஷ்ணுவரதன் தனது சமூக வலைதள பக்கத்தில் அறிவித்திருந்தார். அதைத்தொடர்ந்து நேசிப்பாயா படத்தின் புதிய போஸ்டர் ஒன்று படக்குழுவினர் சார்பில் வெளியிடப்பட்டு இதன் ஃபர்ஸ்ட் லுக் போஸ்டர் நாளை (ஜூன் 28) வெளியாகும் என அறிவிக்கப்பட்டுள்ளது.