பூஜா ஹெக்டே, ரெட்ரோ படத்திற்காக புதிய முயற்சியை கையில் எடுத்திருப்பதாக தகவல் வெளியாகி உள்ளது.
தென்னிந்திய சினிமாவில் முன்னணி நடிகைகளின் ஒருவராக வலம் வருபவர் பூஜா ஹெக்டே. இவர் தமிழில் முகமூடி படத்தின் மூலம் கதாநாயகியாக அறிமுகமானார். அதை தொடர்ந்து இவர் பீஸ்ட் திரைப்படத்தில் நடித்திருந்தார். தற்போது இவர் தொடர்ந்து அடுத்தடுத்த படங்களில் பிசியாக நடித்து வருகிறார். அந்த வகையில் ஏற்கனவே விஜயின் ஜனநாயகன் திரைப்படத்தில் நடித்து வரும் பூஜா ஹெக்டே, ராகவா லாரன்ஸ் இயக்கி, நடித்து வரும் காஞ்சனா 4 படத்திலும் முக்கிய கதாபாத்திரத்தில் நடித்து வருகிறார்.
மேலும் சூப்பர் ஸ்டார் ரஜினிகாந்தின் கூலி திரைப்படத்தில் இடம்பெறும் ஸ்பெஷல் பாடல் ஒன்றுக்கு நடனமாடியுள்ளார். இதற்கிடையில் இவர், ரெட்ரோ திரைப்படத்தில் சூர்யாவிற்கு ஜோடியாக நடித்திருக்கிறார். கார்த்திக் சுப்பராஜ் இயக்கியுள்ள இந்த படத்திற்கு சந்தோஷ் நாராயணன் இசையமைத்திருக்கிறார். காதல் கலந்த கேங்ஸ்டர் கதைக்களத்தில் உருவாகி இருக்கும் இந்த படத்தில் படப்பிடிப்பு ஏற்கனவே நிறைவடைந்த நிலையில் இப்படமானது மே 1 திரைக்கு வரும் பொழுது வீச்சில் தயாராகி வருகிறது. 
இந்நிலையில் நடிகை பூஜா ஹெக்டே, ரெட்ரோ படத்தில் தனது சொந்த குரலில் டப்பிங் பேசி வருகிறார் என படக்குழு அதிகாரப்பூர்வமாக அறிவித்துள்ளது. மேலும் பூஜா ஹெக்டேவின் கடின உழைப்பும், அர்ப்பணிப்பும் உண்மையிலேயே பல பலனளித்திருப்பதாகவும் அதை திரையில் காண ஆவலுடன் காத்திருப்பதாகவும் தெரிவித்துள்ளனர்.