லோகேஷ் கனகராஜ் இயக்கத்தில் உருவாகியுள்ள விஜயின் லியோ திரைப்படம் ரிலீசுக்கு தயாராகி வருகிறது. லியோ படத்தின் படப்பிடிப்பை முடித்த விஜய் தற்போது தளபதி 68 படத்திற்கு தயாராகி வருகிறார். வெங்கட் பிரபுவின் இயக்கத்தில் விஜய் தனது 68வது படத்தில் நடிக்க இருக்கிறார். இந்த படத்தின் ஸ்கிரிப்ட் பணிகளில் இயக்குனர் வெங்கட் பிரபு தீவிரமாக ஈடுபட்டு வருகிறார்.
இந்த படத்தை ஏஜிஎஸ் என்டர்டைன்மென்ட் நிறுவனம் தயாரிக்க இருக்கிறது. யுவன் சங்கர் ராஜா இசையமைக்க இருக்கிறார்.
சில நாட்களுக்கு முன்பாக வெங்கட் பிரபுவின் தந்தை கங்கை அமரன் தளபதி 68 குறித்த அப்டேட்டுகளை தெரிவித்து இருந்தார். அவர் கூறியதாவது, தளபதி 68 படத்தின் கதை மிகவும் வித்தியாசமானது. படத்தில் நடிக்கும் நட்சத்திரங்கள் எல்லோருக்கும் சர்ப்ரைஸ் ஆக இருக்கும் என்று கூறியிருந்தார்.
அதுபோல சமீபத்தில் வெளியான தகவலின் படி, தளபதி 68-ல் இரட்டை விஜய் நடிக்கிறார் என்றும் ஜோதிகா மற்றும் பிரியங்கா மோகன் இருவரும் கதாநாயகிகளாக நடிக்க உள்ளனர் என்றும் தகவல்கள் கசிந்தது.
தற்போது முக்கிய அப்டேட் ஆக, இதில் பிரபல நடிகர்களான மாதவன் மற்றும் பிரபுதேவா இருவரும் இணைந்து நடிக்க இருப்பதாக செய்திகள் பரவி வருகிறது. பிரபுதேவா ஏற்கனவே விஜய்யுடன் இணைந்து வில்லு உள்ளிட்ட படங்களில் பணியாற்றியுள்ளார். மாதவன் விஜயுடன் முதன்முறையாக இணைய இருக்கிறார் என்பது குறிப்பிடத்தக்கது. எனினும் இது சம்பந்தமான அறிவிப்பு விரைவில் வெளியாகும் என்று எதிர்பார்க்கப்படுகிறது.