ராயன் படத்திலிருந்து புதிய போஸ்டர் வெளியீடு
- Advertisement -
2017-ம் ஆண்டு வெளியான பவர் பாண்டி திரைப்படத்தின் மூலம் இயக்குநர் அவதாரம் எடுத்தவர் நடிகர் தனுஷ். ஒரு நடிகராக தன்னை முன்னிறுத்திக் கொண்ட நடிகர் தனுஷ் தென்னிந்திய மொழிகள் மட்டுமன்றி பாலிவுட், ஹாலிவுட்டிலும் தடம் பதித்து விட்டார். நடிப்பைத் தாண்டி தற்போது இயக்கத்தில் அதிக கவனம் செலுத்தி வருகிறார். அந்த வகையில் அவர் இயக்கிய முதல் திரைப்படம் பவர் பாண்டி. இதில் ராஜ்கிரண், பிரசாந்த் ஆகியோருடன் இணைந்து முக்கிய கதாபாத்திரத்தில் நடித்திருப்பார். படம் வரவேற்பை பெற்றது.
இதைத் தொடர்ந்து திருச்சிற்றம்பலம், வாத்தி, கேப்டன் மில்லர் படத்தில் அடுத்தடுத்து நடித்தார் தனுஷ். தற்போது அவரின் 50-வது திரைப்படமான ராயன் படத்தை அவரே இயக்கி நடித்திருக்கிறார். இத்திரைப்படத்தை சன் பிக்சர்ஸ் நிறுவனம் தயாரித்து உள்ளது. படத்தில் தனுஷூடன் இணைந்து காளிதாஸ் ஜெயராம், சந்தீப் கிஷன், எஸ்ஜே சூர்யா, பிரகாஷ் ராஜ், துஷாரா விஜயன், அபர்ணா பாலமுரளி, ஆகியோர் முக்கிய கதாபாத்திரங்களில் நடித்துள்ளனர். படத்திற்கு ஏ.ஆர்.ரஹ்மான் இசை அமைத்திருக்கிறார்.
இந்நிலையில் ராயன் படத்தின் புதிய போஸ்டரை படக்குழு பகிர்ந்துள்ளது. படத்தில் நாயகனாக நடித்திருக்கும் தனுஷும், வில்லனாக நடித்திருக்கும் எஸ்.ஜே.சூர்யாவும் இடம்பெற்றிருக்கும் இந்த போஸ்டர் இணையத்தில் வைரலாகி வருகிறது. மேலும், வரும் ஜூலை மாதம் 26-ம் தேதி இத்திரைப்படம் திரையரங்குகளில் வெளியாகிறது.
