வருஷங்களுக்கு ஷேஷம் படத்தின் முதல் தோற்றம் வெளியானது

பிரணவ் மோகன்லால் நடிக்கும் வருஷங்களுக்கு ஷேஷம் படத்தின் படப்பிடிப்பு நிறைவு அடைந்ததை தொடர்ந்து, படத்தின் முதல் தோற்றம் வௌியாகி உள்ளது.

மோலிவுட்டில் கடந்த ஆண்டு வெளியாகி பெரும் வரவேற்பை பெற்ற திரைப்படம் ஹிருதயம். பிரேமம் படத்தை போல மலையாளம் மட்டுமன்றி தமிழ், தெலுங்கு என அனைத்து மொழிகளிலும் ஹிருதயம் திரைப்படம் பிரபலம் அடைந்தது. இப்படத்தில் மோகன்லாலின் மகனும் நடிகருமான பிரணவ் மோகன்லால் நாயகனாக நடித்திருந்தார். தர்ஷனா மற்றும் கல்யாணி பிரியதர்ஷன் ஆகியோர் நாயகிகளாக நடித்திருந்தனர். இந்தப் படத்தை இயக்குனர் வினித் ஸ்ரீனிவாசன் இயக்கியிருந்தார். கேரளா, சென்னை இரு மாநிலங்களையும் இணைக்கும் வகையில் இத்திரைப்படம் எடுக்கப்பட்டது. படத்தில் இடம்பெற்றிருந்த பாடல்கள் ஹிட் அடித்தன. மேலும், அருண் மற்றும் நித்யா கதாபாத்திரங்களும் பெரிதளவில் பேசப்பட்டன.

இப்படத்தின் வெற்றியைத் தொடர்ந்து ஹிருதயம் கூட்டணி மீண்டும் ஒரு புதிய படத்திற்காக இணைந்தது. வருஷங்களுக்கு ஷேஷம் என்று தலைப்பு வைக்கப்பட்டுள்ள இப்படத்தில் பிரணவ் மோகன்லால், கல்யாணி பிரியதர்ஷன், இயக்குனர் வினித் ஸ்ரீனிவாசனின் தம்பி தியான் ஸ்ரீனிவாசன், பேசில் ஜோசப், நீரஜ் மாதவ் உள்ளிட்டோர் நடிக்கின்றனர். நிவின் பாலி முக்கிய கதாபாத்திரத்தில் நடிக்கிறார். மோகன்லாலுக்கும் இயக்குனர் வினித்தின் தந்தை ஸ்ரீனிவாசனுக்கும் இடையே உள்ள நட்பை மையப்படுத்தி இப்படத்தின் திரைக்கதை அமைக்கப்பட்டு உள்ளது.

கொச்சி, எர்ணாகுளம் பகுதிகளில் இப்படத்தின் விறுவிறுப்பாக நடைபெற்று வந்த நிலையில், தற்போது நிறைவு அடைந்துள்ளது. அதோடு, படத்தின் முதல் தோற்றத்தையும் படக்குழு வெளியிட்டு உள்ளது.