தி ராஜாசாப் படத்தின் டீசர் அறிவிப்பு குறித்த அப்டேட் வெளியாகியுள்ளது.
பிரபாஸ் நடிப்பில் கடைசியாக கல்கி 2898AD திரைப்படம் வெளியானது. இதைத் தொடர்ந்து பிரபாஸ் ஸ்பிரிட், சலார் 2 போன்ற படங்களை கைவசம் வைத்துள்ளார். மேலும் விஷ்ணு மஞ்சுவின் கண்ணப்பா படத்திலும் முக்கிய கதாபாத்திரத்தில் நடித்திருக்கிறார் பிரபாஸ். அதேசமயம் இவர், இயக்குனர் மாருதி இயக்கத்தில் தி ராஜாசாப் எனும் திரைப்படத்திலும் நடித்து வருகிறார். பீப்பிள் மீடியா ஃபேக்டரி நிறுவனம் இந்த படத்தை தயாரிக்க மாளவிகா மோகனன், நிதி அகர்வால், யோகி பாபு ஆகியோர் இப்படத்தில் பிரபாஸுடன் இணைந்து நடிக்கின்றனர். இந்த படமானது காமெடி கலந்த ஹாரர் ஜானரில் உருவாகி வருகிறது. 
மேலும் இப்படமானது கடந்த ஏப்ரல் 10ஆம் தேதி திரைக்கு வரும் என ஏற்கனவே அறிவிக்கப்பட்டிருந்தது. ஆனால் ஒரு சில தவிர்க்க முடியாத காரணங்களால் இந்த படத்தின் ரிலீஸ் தேதி ஒத்திவைக்கப்பட்ட நிலையில் இப்படம் 2025 டிசம்பர் மாதத்தில் திரைக்கு வரும் என எதிர்பார்க்கப்படுகிறது. இந்நிலையில் இந்த படத்தின் டீசர் குறித்து அறிவிப்பு நாளை (ஜூன் 3) வெளியாகும் என தற்போதைய தகவல்கள் தெரிவிக்கின்றன. இந்த டீசரில் இப்படத்தின் புதிய ரிலீஸ் தேதி அறிவிக்கப்படும் என நம்பப்படுகிறது.