தளபதி 69 படத்தின் இரண்டாம் கட்ட படப்பிடிப்பு குறித்த அப்டேட் வெளியாகியுள்ளது.
நடிகர் விஜய் கடைசியாக கோட் படத்தில் நடித்திருந்தார். அதைத்தொடர்ந்து தனது 69 ஆவது திரைப்படத்தில் நடித்து வருகிறார். இந்த படத்தினை கே வி என் ப்ரொடக்ஷன்ஸ் நிறுவனம் தயாரிக்க ஹெச். வினோத் இயக்கி வருகிறார். படத்தில் விஜயுடன் இணைந்து பூஜா ஹெக்டே, பாபி தியோல், பிரியாமணி, நரேன், மமிதா பைஜு பிரகாஷ்ராஜ், கௌதம் வாசுதேவ் மேனன் உள்ளிட்ட பலரும் நடித்து வருகின்றனர். அனிருத் இந்த படத்திற்கு இசையமைக்கிறார். ஏற்கனவே இந்த படத்தின் அறிவிப்பு வெளியாகி படப்பிடிப்புகளும் தொடங்கப்பட்டு விறுவிறுப்பாக நடைபெற்று வருகிறது. அதன்படி ஏற்கனவே முதற்கட்ட படப்பிடிப்புகள் நிறைவடைந்த நிலையில் இரண்டாம் கட்ட படப்பிடிப்பு வருகின்ற நவம்பர் 4ஆம் தேதி தொடங்க இருப்பதாக சொல்லப்படுகிறது. 
இதன் இரண்டாம் கட்ட படப்பிடிப்பு ஐதராபாத்தில் நடத்த திட்டமிடப்பட்டுள்ளதாகவும் ஏற்கனவே தகவல் வெளியானது. மேலும் இதன் கூடுதல் தகவல் என்னவென்றால் தளபதி 69 படத்தின் படப்பிடிப்பு முழுவதும் 2025 ஏப்ரல் மாதத்திற்குள் முடிவடைந்து விடும் என்று புதிய தகவல்கள் தெரிவிக்கின்றன. அடுத்தது இந்த படம் அடுத்த ஆண்டு அக்டோபர் மாதத்தில் திரைக்கு வரும் என்பது குறிப்பிடத்தக்கது.
இதற்கிடையில் விஜய் அரசியல்வாதியாக மாறியுள்ள நிலையில் நேற்று (அக்டோபர் 27) தனது தமிழக வெற்றிக் கழகத்தின் முதல் மாநாட்டில் இவர் பேசிய அரசியல் பேச்சு சமூக வலைதளங்களில் பேசு பொருளாகியுள்ளது என்பதும் கவனிக்கத்தக்கது.