சிஜேபி (Cockroach Janta Party – CJP) அமைப்பின் நிறுவனர் அபிஜித் டிப்கேவை தில்லி காவல்துறை தடுப்புக் காவலில் கைது செய்ததைத் தொடர்ந்து, “தேசியக் கொடியை ஏந்தும் இளைஞர்களைக் கண்டு தற்போதைய அரசு அச்சப்படுகிறது” என்று அந்த அமைப்பு பகிரங்கமாகக் குற்றம்சாட்டியுள்ளது.
இதுதொடர்பாக, சிஜேபி அமைப்பு தனது அதிகாரப்பூர்வ சமூக வலைதளப் பக்கத்தில் வெளியிட்டுள்ள பதிவில், “அபிஜித் டிப்கேவை தில்லி காவல்துறை கைது செய்துள்ளது! தேசியக் கொடியை ஏந்திப் பிடிக்கும் இளைஞர்களைக் கண்டு இந்த அரசு அந்தளவுக்குப் பயப்படுகிறது! சர்வாதிகாரம்!” என்று கடுமையாக விமர்சித்துள்ளது.
தலைநகர் தில்லியில் திட்டமிடப்பட்டிருந்த ‘திரங்கா பேரணி’ நடைபெறுவதற்கு முன்னதாக அபிஜித் டிப்கே தடுத்து வைக்கப்பட்டுள்ளார். இதையடுத்து, தேசியக் கொடியை ஏந்தி போராட்டத்தில் ஈடுபடத் திட்டமிட்டிருந்த இளைஞர்களைத் தடுப்பதன் பின்னணி குறித்து அரசியல் வட்டாரங்களில் விவாதங்கள் எழுந்துள்ளன.
இந்தச் சம்பவத்தை முன்வைத்து, அரசின் நடவடிக்கைகளைச் சிஜேபி அமைப்பு கடுமையாகச் சாடியுள்ளது. இதனால், தில்லியில் நடைபெற்று வரும் போராட்டங்கள் தொடர்பான அரசியல் சர்ச்சை மேலும் தீவிரமடைந்துள்ளது.