சுவிட்சர்லாந்து கூட்டமைப்பின் அதிபர் கய் பர்மெலின் 3 நாள் அரசு முறைப் பயணமாக இந்தியா வந்துள்ளார். அவருடன் மூத்த அதிகாரிகள் மற்றும் தொழில்துறை பிரதிநிதிகள் அடங்கிய உயர்மட்டக் குழுவும் வந்துள்ளது. இது அவரது முதல் அரசு முறை இந்தியப் பயணமாகும்.
ராஷ்டிரபதி மாளிகையில் சிறப்பான வரவேற்பு
டெல்லி வந்த சுவிட்சர்லாந்து அதிபர் கய் பர்மெலினுக்கு ராஷ்டிரபதி மாளிகையில் சிறப்பான சம்பிரதாய வரவேற்பு அளிக்கப்பட்டது. ஜனாதிபதி திரவுபதி முர்மு மற்றும் பிரதமர் நரேந்திர மோடி அவரை வரவேற்றனர். பின்னர் பர்மெலின் ராஜ்காட்டில் மகாத்மா காந்தி நினைவிடத்தில் அஞ்சலி செலுத்தினார்.
பிரதமர் மோடியுடன் இருதரப்பு பேச்சுவார்த்தை
இதைத்தொடர்ந்து பிரதமர் நரேந்திர மோடியை சுவிட்சர்லாந்து அதிபர் கய் பர்மெலின் சந்தித்து பேச்சுவார்த்தை நடத்தினார். இரு நாடுகளுக்கு இடையிலான வர்த்தகம், முதலீடு, அறிவியல், தொழில்நுட்பம், புத்தாக்கம், வேலைவாய்ப்பு மற்றும் மக்கள் தொடர்பு உள்ளிட்ட பல்வேறு துறைகளில் ஒத்துழைப்பை மேலும் வலுப்படுத்துவது குறித்து தலைவர்கள் ஆலோசித்தனர்.
இந்தியா-சுவிட்சர்லாந்து உறவு
இந்தியா – சுவிட்சர்லாந்து இடையிலான நீண்டகால நட்புறவை மேலும் வலுப்படுத்தும் வகையில் இந்தப் பயணம் அமைந்துள்ளது. பிராந்திய மற்றும் சர்வதேச விவகாரங்கள், பலதரப்பு அமைப்புகளில் இரு நாடுகளின் ஒத்துழைப்பு உள்ளிட்ட அம்சங்கள் குறித்தும் பேச்சுவார்த்தை நடைபெறுகிறது.
இந்தியா-ஐரோப்பிய தடையற்ற வர்த்தக ஒப்பந்தம்
இந்தப் பயணத்தின் முக்கிய அம்சங்களில் ஒன்றாக இந்தியா – ஐரோப்பிய தடையற்ற வர்த்தக சங்கம் (EFTA) இடையிலான வர்த்தக மற்றும் பொருளாதார கூட்டாண்மை ஒப்பந்தம் (TEPA) உள்ளது. இந்த ஒப்பந்தம் அமலுக்கு வந்து ஓராண்டு நிறைவடைவதை முன்னிட்டு அக்டோபர் 7-ம் தேதி 2-வது இந்தியா-EFTA செழிப்பு மாநாடு நடைபெற உள்ளது. இதில் சுவிட்சர்லாந்து அதிபர் பங்கேற்கிறார்.
இந்தியா – சுவிட்சர்லாந்து இடையிலான பொருளாதார மற்றும் வர்த்தக உறவுகளை மேலும் விரிவுபடுத்த இந்தப் பேச்சுவார்த்தைகள் முக்கியத்துவம் பெற்றுள்ளன.