டி20 உலக கோப்பை தொடரில் இன்று நடைபெறவுள்ள சூப்பர் 8 சுற்றில் இந்திய அணிக்கு எதிரான போட்டியில் ஆஸ்திரேலிய அணி டாஸ் வென்று பந்துவீச்சை தேர்வு செய்தது.
டி20 உலக கோப்பை கிரிக்கெட் தொடர் மேற்கிந்திய தீவுகள் மற்றும் அமெரிக்காவில் நடைபெற்று வருகிறது. லீக் சுற்றுகள் முடிவடைந்து தற்போது சூப்பர் 8 சுற்று நடைபெற்று வருகிறது. இந்த நிலையில், இன்று நடைபெறவுள்ள சூப்பர் 8 சுற்றில் இந்தியா மற்றும் ஆஸ்திரேலிய அணிகள் பலப்பரீட்சை நடத்தவுள்ளன. இந்த போட்டி மேற்கிந்திய தீவுகளில் உள்ள டேரன் சம்மி மைதானத்தில் இந்திய நேரப்படி இரவு 8 மணிக்கு நடைபெறவுள்ளது.. கடந்த ஆண்டு நடைபெற்ற 50 ஓவர் உலக கோப்பை தொடரில் இறுதிப்போட்டியில் அடைந்த தோல்விக்கு பழிதீர்க்க காத்திருக்கும் இந்திய அணி, ஆஸ்திரேலியாவை வீழ்த்த எந்த எல்லைக்கும் செல்லும் என எதிர்ப்பார்க்கப்படுகிறது.
இப்போட்டியில் டாஸ் வென்ற ஆஸ்திரேலிய அணியின் கேப்டன் மிட்செல் மார்ஷ் முதலில் பந்துவீச்சை தேர்வு செய்தார். இதனைத்தொடர்ந்து இந்திய அணி முதலாவது பேட்டிங் விளையாடவுள்ளது.