மும்பை அணிக்கு எதிராக 6 ரன்கள் வித்தியாசத்தில் முதல் வெற்றியை பதிவு செய்தது குஜராத் அணி!
17வது ஐபிஎல் கிரிக்கெட் தொடர் கடந்த 22ம் தேதி தொடங்கியது. இதுவரை 4 லீக் போட்டிகள் நடந்து முடிந்துள்ள நிலையில், நேற்று இரவு 7.30 மணிக்கு நடைபெற்ற போட்டியில், ஹர்திக் பாண்டியா தலைமையிலான மும்பை இந்தியன்ஸ் அணியும், சுப்மான் கில் தலைமையிலான குஜராத் டைட்டன்ஸ் அணியும் மோதின. இப்போட்டியில் டாஸ் வென்ற மும்பை இந்தியன்ஸ் அணியின் கேப்டன் ஹர்திக் பாண்டியா முதலில் பவுலிங்கை தேர்வு செய்தார். இதனைத்தொடர்ந்து குஜராத் அணி முதலாவது பேட்டிங்க் செய்தது. தொடக்க ஆட்டக்காரர்களாக விருத்திமான் சஹாவும் ,சுப்மான் கில்லும் களமிறங்கினர். சஹா 19 ரன்னும், கில் 31 ரன்களும் எடுத்தனர். அணியின் அதிகபட்சமாக சாய் சுதர்சன் 45 ரன்கள் எடுத்தார். மற்ற வீரர்கள் சொற்ப ரன்னில் ஆட்டமிழந்தனர்.
இறுதியாக குஜராத் அணியானது 20 ஓவர்கள் முடிவில் 7 விக்கெட்டுகள் இழந்து 168 ரன்கள் சேர்த்தது. இதனைத்தொடர்ந்து மும்பை அணிக்கு 169 ரன்கள் இலக்காக நிர்ணயிக்கப்பட்டது. இதனைத்தொடர்ந்து தொடக்க ஆட்டக்காரர்களாக களமிறங்கிய இஷான் கிஷான் ரன் எதுமின்றியும், ரோகித் சர்மா 43 ரன்களிலும் ஆட்டமிழந்தனர். அணியின் அதிபட்சமாக டிவால்ட் பிரவிஸ் 46 ரன்கள் எடுத்தார். இறுதியாக மும்பை அணி 20 ஓவர்கள் முடிவில் 9 விக்கெட் இழப்புக்கு 162 ரன்கள் மட்டுமே எடுத்தது. இதனால் குஜராத் அணி 6 ரன்கள் வித்தியாசத்தில் வெற்றி பெற்றது.