தமிழ்நாடு அரசின் 2026-ஆம் ஆண்டுக்கான நிதிநிலை அறிக்கை (பட்ஜெட்) மீது பல்வேறு தரப்பினரும் தங்கள் கருத்துக்களைத் தெரிவித்து வரும் நிலையில், தேமுதிக பொதுச்செயலாளர் பிரேமலதா விஜயகாந்த் அரசுக்கு எதிராகக் கடுமையான மற்றும் அனல் பறக்கும் விமர்சனங்களை முன்வைத்துள்ளார்.
10 லட்சம் கோடி கடன் சுமை: வெந்த புண்ணில் வேல் பாய்ச்சும் பட்ஜெட்!
ஒவ்வொரு குடும்பமும் தங்களது சமையலறை அஞ்சறைப் பெட்டியையும் வரவு-செலவையும் கணக்கிட்டுத் தாக்குப் பிடிப்பது போலத்தான் நாட்டின் பொருளாதாரமும் இருக்க வேண்டும் என்று சுட்டிக்காட்டிய பிரேமலதா விஜயகாந்த், தமிழ்நாட்டின் கடன் சுமை தற்போது பத்துக் லட்சம் கோடி ரூபாயைக் தாண்டிவிட்டதாகக் கொந்தளித்தார். வாங்கிய கடனுக்கான வட்டியைக் கட்டுவதற்கே பல்லாயிரம் கோடிகள் கரைந்து வரும் நிலையில், இந்தத் தலையாய கடன் சுமையைக் குறைப்பதற்கான எந்தவொரு துளி நடவடிக்கையும் இந்த பட்ஜெட்டில் இடம்பெறவில்லை என்று அவர் குற்றம் சாட்டினார்.
வேலைவாய்ப்பைக் கிள்ளிக் கொடுத்துவிட்டு, கல்வித்துறையை முடக்கும் அரசு!
இளைஞர்கள் மத்தியில் இன்று எங்கு பார்த்தாலும் “வேலை இல்லை, வேலை இல்லை” என்ற கதறல் மட்டுமே ஒலிக்கிறது என்று சாடிய அவர், ஒவ்வொரு மாவட்டத்திற்கும் தேவையான தனித்துவமான தொழிற்சாலைகள் மற்றும் வேலைவாய்ப்புகளை உருவாக்குவது குறித்து அரசு மௌனம் காப்பது ஏன் என்று கேள்வி எழுப்பினார். அதுமட்டுமின்றி, எதிர்காலத் தூண்களான பள்ளி கல்வித்துறைக்கு கடந்த ஆண்டைக் காட்டிலும் இந்த ஆண்டு குறைவான நிதி ஒதுக்கப்பட்டுள்ளமை ஒட்டுமொத்த மாணவர் சமூகத்திற்கும் இழைக்கப்பட்ட மிகப்பெரிய துரோகம் என்றார்.
விவசாயிகளை ஏமாற்றிய தவெக அரசு!
தமிழ்நாட்டின் முதுகெலும்பான விவசாயிகளின் ஒட்டுமொத்தக் கடன்களும் தள்ளுபடி செய்யப்படும் என்று கோடிக்கணக்கான விவசாயிகள் பெரிதும் எதிர்பார்த்திருந்த நிலையில், அவர்களின் வயிற்றில் அடிக்கும் வகையிலேயே அரதப்பழசான கணக்குகளுடன் இந்த அறிவிப்புகள் வந்து சேர்ந்துள்ளதாக அவர் ஆவேசம் தெரிவித்தார். மேலும், மாநிலத்தை நீர் மிகை மாநிலமாக மாற்றுவதற்கு நதிகளை இணைப்பது குறித்தோ அல்லது கடலில் வீணாகக் கலக்கும் நீரைத் தடுப்பது குறித்தோ எந்தவொரு தொலைநோக்குத் திட்டமும் இதில் இல்லை என்றார்.
பெயர் மாற்ற அரசியலும் வெற்று அறிவிப்புகளும்!
திமுக அரசு முந்தைய திட்டங்களின் பெயர்களை மட்டும் மாற்றி மாற்றி ‘பேண்ட்ஸி’ பெயர்களைச் சூட்டி மக்களை ஏமாற்றி வருவதாகக் குறிப்பிட்ட பிரேமலதா, கூவம் நதி சீரமைப்பு, மின்சாரப் பேருந்துகள் மற்றும் சோலார் எரிசக்தி போன்ற சில அறிவிப்புகள் மேலோட்டமாக வரவேற்புக்குரியதாக இருந்தாலும், இவை வெறும் காகித அறிவிப்புகளாகவே நின்றுவிடாமல் முழுமையான செயல் வடிவம் பெற வேண்டும் என்று எச்சரித்தார். ”கடன் இல்லாத, வட்டி இல்லாத தமிழ்நாடே மக்களின் துயரங்களைத் துடைக்கும் ஒரே மருந்து” என்று குறிப்பிட்ட பிரேமலதா விஜயகாந்த், இந்த ஏமாற்று வேலைகளுக்கு மக்கள் விரைவில் சரியான பாடம் புகட்டுவார்கள் என்று எச்சரித்துத் தனது பேட்டியை நிறைவு செய்தார்.
உதயநிதி கைது- அரசியல் உள்நோக்கமா அல்லது அரசின் அதிரடி வியூகமா? – பத்திரிகையாளர் புன்னைவளவன் அலசல்!